المساعد الشخصي الرقمي

مشاهدة النسخة كاملة : ماكل من يركب على الخيل خيال


المحارب2
02-22-2010, 03:52 AM
http://www.wlh-wlh.com/vb/imgcache/2/4784alsh3er.jpg&t=1&h=196&w=192&usg=__CjHs61zVkwEBdVdX__cbB3nvmM8= (http://www.google.com.sa/imgres?imgurl=http://www.azooz.net/data/media/66/AZOOZ.NET_Horses_3_2009%2520(34).jpg&imgrefurl=http://www.azooz.net/img3712.htm&h=404&w=396&sz=19&tbnid=P_WhsAPX3aZBNM:&tbnh=227&tbnw=223&prev=/images?q=%25D8%25B5%25D9%2588%25D8%25B1%25D8%25A9% 2B%25D8%25AD%25D8%25B5%25D8%25A7%25D9%2586%2B%25D8 %25A3%25D8%25B3%25D9%2588%25D8%25AF&hl=ar&usg=__TjRmO92hK0ae33lh6xQQU3yTcmU=&ei=4tyBS_DzKo-Wtge1n6HoBg&sa=X&oi=image_result&resnum=3&ct=image&ved=0CAYQ9QEwAg)

ماكل من يركب على الخيل خيال
ولا كل خيل تعجبك هي أصيـله


ولا كل من يعجبك هرجه برجال
بعض العرب ملسون وايده بخيله

الكل يلبس ثوب وشماغ وعقال
وعند اللزوم افعالهم هي قليـله

الرجل تثبت له أقاويل بافعال
لاقال شئ ونفذه هو دلـيله

والرجل لاشفته مع القيل والقـــال
ابعد عنه هذا صفاته عليــله

والكذب خله عنك مافاد لو طال
قول الصدق ياصاح غنم وجميـله

وخلك شجاع وذي صفات للابطال
اللي كما سيوف تبارق سليـله

واللي شراك اشريه لو كان بالمال
خلك معه وان مــــــال دور بديله

واصبر ترى الدنيا تبدل بها أحوال
وما كل شئ صافي تشـــــوفه تجيله

وبعد الكدر تشرب صفا عذب وزلال
هذا الزمن فيه استــــقامه وميله

وصاحب خليل لو جفـا الوقت مامال
ترى الرجل يعرف بقيمة خليـله

واقفل على سرك بكتمان واقفال
بعض العرب يسمع و ينوي بحيله

وخلك أمين إذا توليت الأعمال
من خان في يوم الحشر يا حليله

خل التواضع فيك واضح بالافعال
ترى الكبر يردي بيوم وليـله

ولا تحسد اللي عنده اموال وعيال
وش ينفعك لو كان حـــسدك يزيله

ولا تزوًر تقلب الزين بطـال
الله عليم بالنوايا الدخـيله

وخلك رزين ترى المخفه للاطفال
واصفح عن المخـــــطي ولو زاد قيله

واحمل همومك لو تزن وزن آلآثقال
بكره تروح وتنجلي لو ثقـيله

وصل الفروض ولا تنسيك آلآشغال
محدن في الدنيـــــا درى وش بقي له

وزور آلآقارب للرحم كون وصـــــال
وخلك عظيم الشان وسط القـبيله

وصلاة ربي عد ماهل همـــــــــــــال
على النبي اللي صفـــــاته جليل


منقول للفائدة

حنين الاشواق
02-25-2010, 08:45 AM
المحارب2
بعض العرب يسمع وينوي بحيله

قصيده مليئه باالحكم قصيده رائعه

واختيار موفق دمت متميز

لك ودي

المحارب2
02-28-2010, 06:10 PM
المحارب2
بعض العرب يسمع وينوي بحيله

قصيده مليئه باالحكم قصيده رائعه

واختيار موفق دمت متميز

لك ودي

أختي حنين الأشواق الرائع هو تواجدك العطر
وردودك الراقيه والفريده
أسعدني مرورك العذب وتنويرك الموضوع
تقبلي إحترامي وتقديري

سعدون
03-18-2010, 02:25 PM
احترت مدري وش اختار من سبايك الذهب

كل بيت عن قصيده

صح لسانك اخي المحارب على القصيده الرائعه , من عنوانها لـ مضمونها . ,

دمت بـ كل ود , وفي أتم حال ,

المحارب2
03-19-2010, 12:36 AM
أخي سعدون شرفت ونورت القصيده بحضورك وردك الراقي
والذهب هو معدنك الأصيل والرائع تواصلك الطيب لاحرمنا منه
بيض الله وجهك ورحم الله والديك
تقبل فائق الود والأحترام

رمز السلام
03-22-2010, 05:26 PM
حقاً ابيات في قمُة الروعه تسلم اخوي على نقلك لشي الجميل

المحارب2
03-29-2010, 01:31 PM
حقاً ابيات في قمُة الروعه تسلم اخوي على نقلك لشي الجميل

الروعة لاتكتمل إلا بتواجدك الراقي وردودك المميزه
أشكر لك مرورك العذب والعطر