المساعد الشخصي الرقمي

مشاهدة النسخة كاملة : الكيراتين ومشاكله ونجاحه


ريتاج احمد
02-02-2010, 01:34 AM
الكيراتين مش فرد للشعر، هو بيحافظ على تموجات الشعر وقوامة كلة مع اضافة النعومة والصحة واللمعان.. وبجد والله بعد الكيراتين مش حتحتاجي انك تحطي حاجة على شعرك عشان تعملي كيرلي لأنه هو شكله بيكون روووووووووووعة.. يكفيكي نقطة سيرم او اي كريم مرطب واستمتعس بشعر لامع
2. الكيراتين عبارة عن غذاء للشعر المجهد والمعالج لأن الكيراتين ده هو الماده الأساسية التي يتكون منها الشعر وبالتالي انتي تقريبا مش بتحطي على شعرك مواد كيماوية –حقولكم ليه بعدين-
3. الكيراتين مش زي الفرد في حاجة مهمة جداً اللي هيا ان الشعر الجديد اللي بيطلع والله والله والله بيكون شبه مفرود وجميل جداً وده عن تجربتي الشخصية على عكس كريمات الفرد اللي آخرها شهر وبعدين تلاقي الجدور طالعة مكسرة.

نيجي بقى للعمايل:
1. بتغسلي شعرك بالشامبو المخصص من جلوبال كيراتين ولو مش عندك استعملي شامبو بابي جونسون وده بعيد عن اي حاجة جميل للشعر للأنه خالي من السولفات وكلورايد الصوديوم –ودي كلها مواد بتكون موجوده في مواد التنظيف- وقومي اتأكدي بنفسك
2. بعد الغسيل متحطيش اي شيء على شعرك حتى البلسم والحمام الكريم ممنوع.
3. بتنشفي شعرك بالسشوار بنسبة 80%
4. بتبدأي بوضع الكيراتين على كامل الشعر وهنا تأتي المفاجأة الغير متوقعة........مافيش حاجة اسمها وقت لأن ده مش فرد يعني خدي راحتك خاااااااااااااااااااااالص
5. بعد وضع الكيراتين، وتسريح الشعر عشان يتغلغل الكيراتين فيه، -بدون- غسل الشعر .. باعيد تاني اهو ماتغسليش شعرك ولو الكوافير غسل شعرك يبقى ده مضروب.. بتبدأي بعمل سشوار للشعر عادي جداً.
6. بعد تجفيف الشعر تماما بالسشوار يأتي اصع وقت وهو البيبي ليس.. بتعملي شعرك كله بيها. طبعا حيطلع بخار.. وانتوا حتصوتوا وتفتكروا ان شعركوا بيتحرق... لأ يا حبيايبي.. ده الكيراتين وده الزايد منه والباقي الشعر بيتشربة من كتر ما بتعملي بيبي ليس عليه.. تفضلي رايحة جاية، جاية رايحة على شعرك كله لحد ما البخار يختفي ودي بتاخد وقت.. اعملي خصل رفيعة عشان تستفيدي..
7. بالنسبة للجدرو.. بتعملي عليها بالبيبي ليس بنظام الطبطبة وده اهم حاجة عشان غذاء الكيراتين يدخل لجذور الشعر ويطلع الشعر الجديد جميل
8. بعد البهدلة دي كلها.. خلاااااااااااااااااااااص افراج..... قومي حاسبي زي الشاطرة وروحي.

نصائح مهمة جداً خلال اول 4 ايام فقط:
1. ممنوع ربط الشعر
2. ممنوع وضع البنس والتوك
3. ممنوع رفع الشعرتين الحرير بالنظارة
4. ممنوع تعريض الشعر للماء ولو خصل اعملي بالمكواة على طول
5. ينصح بعمل ضربات خفيفة على الشعر في اول اربع ايام عشان الشعر يشرب كل الكيراتين
بعد ال 4 ايام استخمي عادي وادعيلي. والله يا بنات ده بجد سحر.. انا خلااااااااااااص نسيت الشعر الهايش والمنكوش والفاقد للمعة.. ورحبت بالشعر الصحي الطري وابو لمعة جنان والحمد لله..
بالنسبة لتساقط الشعر.. خلال اول 3 اسابيع شعرك حيكون بيقع بالمعدل الطبيعي.. ولكننننننننننننننن مرة واحد حتلاقي ان الشعر خف جدا! في التساقط وبدأ ياخد شكل وفوليم جميل.. يعني الكيراتين ملوش دعوة بالمده بس انتي ممكن تعملي العلاج ده كل 3 شهور مثلا او حسب الحاجة..

بالنسبة لتفاصيل المكان والشراء فده يا فتوكات على الخاص عشان انا مش عايزة اكون مخالفة مع العلم انه مش انا اللي ببيع. انا عرفت المكان بالصدفة والله وقبل ما اشتري عملت شوية رأفت الهجان وبحثت وكلمت الشركة الأم في امريكا وفرحت جداً لما لقيتهم بيأكدولي ان الكيراتين بتاعي الأصلي.. وربنا يباركلي فيه وفي شعري

المهم.. لو لسه عندكم اي سؤال انا عيوني ليكم.. واي استفسار عن الشراء ياريت على الخاص

بس نصيحة...... الكيراتين ثم الكيراتين ثم الكيراتين..... مش الأمبولات المضروبه عشان مش بتعمل اي حاااااااااااااااجة

اميرة السعادة
02-02-2010, 02:20 AM
تسلمى ريتاج على هالطرح الرائع
فى انظار جديدك دومااااااااااااااا

حنين الاشواق
02-02-2010, 09:07 AM
http://www.wlh-wlh.com/vb/imgcache/2/2196alsh3er.gif

وحيدة بعالمي
02-02-2010, 03:44 PM
مشكوررره بس الحمد لله انا ما يحتاج ننتظر جديدك