المساعد الشخصي الرقمي

مشاهدة النسخة كاملة : أبي أعرف : تحبِّيني


رمز السلام
12-17-2009, 02:19 PM
(http://sn124w.snt124.mail.live.com/mail/SafeRedirect.aspx?hm__tg=http://65.55.72.23/att/GetAttachment.aspx&hm__qs=file%3db0568e3d-422e-4690-8545-747f2ca50fe1.jpg&ct%3daW1hZ2UvanBlZw_3d_3d&name%3daW1hZ2UwMDQuanBn&inline%3d1&rfc%3d0&empty%3dFalse&imgsrc%3dcid%253aimage004.jpg%254001CA7EA5.3892F86 0&msgHash%3dffffffffffffffff&oneredir=1&ip=10.13.120.8&d=d2988&mf=0&a=01_d9af0924861b3920f1ed296d266be8c43af153ba257dc 7a4dbc3a87e1210d7a8)




أبي أعرف : تحبِّيني ؟

أو إنك مثل ما قالوا ،
جرحتي الوِد وسنيني ..
طعنتي الملح والعِشرة ..
نثرتيني بـ وجه الريح !
ولما إسألوا عنّي ..
تجاهلتي ،
و نسيتيني !








حقيقة إنتِ : تحبِّيني ؟

إذا ضاقت بيْ الدنيا ،
وملاها البرد أيامي ..
وعجزت من الوجع أغفى !
تحسّي بي وتغطيني ..؟
تسابق خطوة أنفاسك ..
وتركض لي ،
تدفّيني ؟








تعالي ..

تعالي ..
تعالي ..
يالله قوليلي ،
إذا مرّك بهذا الصبح ..
عطر باقي من ثيابي
ودمعٍ جرّح أهدابي ..
وإذا بليلك تناسيتي ،
ولا إهتميتي بـ غيابي !
ونسيتيها حكاوينا ،
و لهفتنا بـ غناوينا ..
وبكى قلبك على الذكرى ..
وعاتب قسوة إحساسك ،
.. أبي ردّك :
تحبِّيني ؟








وإذا ضاقت بي الدنيا ..

وتغرّب فيني إحساسي ..
وجيت أبكي على بابك ،
وأصرخ ..
" حيل محتاجك :
أبـ أسمع منك عتابك ..
وأدورلك عذر وحلول ،
لأجل أعرف : تحبِّيني ؟








تعالي ..

تعالي ..
تعالي ..
الحين مرّيني ،
لأجل ماتنكسر أحلام ..
وتمُوت أيام عشناها ..
بنيناها بـ روابط حُب ،
لأجل ما يقولوا العذّال :
علاقة " عابرة " كانت ..
طبيعي إفترقوا و هانت !
طبيعي إفترقوا و هانت !









وربّي : إنتي تحبِّيني ..

وأكيد بترجعين الحين ،
محال أصلاً تخليني ..
ولو طالت بنا المدّة ،
صعب أنسى وتجافيني ..
والأصعب إنتِ تنسيني ،
طلبتك : لاتردّيني !
أبي نرجع مثل الأول ..
نسولف عن بدايتنا
أماانه ،
لا تْخذْليني !

سعدون
12-18-2009, 12:37 AM
تسلم اخي رمز لروعه الكلمات والأختيار الجميل

حنين الاشواق
02-07-2012, 09:06 PM
كلمات رائعة سلمت يداك رمز السلام
ننتظر جديدك

الفريدة
02-23-2012, 04:25 PM
حقيقة إنتِ : تحبِّيني (http://www.wlh-wlh.com/vb/showthread.php?t=8878)؟

إذا ضاقت بيْ الدنيا ،
وملاها البرد أيامي ..
وعجزت من الوجع أغفى !
تحسّي بي وتغطيني ..؟
تسابق خطوة أنفاسك ..


كلمات عذبه