المساعد الشخصي الرقمي

مشاهدة النسخة كاملة : البنت المطفوقة والشاب المنحوس


مزيونة
11-27-2007, 02:59 AM
السلام عليكم ورحمة الله وبركاته
--------------------------------------------------------------------------------

شاب جامعي خلوق أراد أن يتزوج ... لكن أمه العجوز تكفلت له بأن تبحث له عن فتاة تعرفها وتدخل مزاجها لأن مو كل بنت على حد زعمها تصلح لها

أخوات هذا الشاب ذكروا له زميلتهم في الكلية وهي فتاة رائعة وآية في الجمال والأخلاق واجتماعية بشكل كبير ... ومن كثر ما يتكلمون عنها تعلق قلبه بها وطلب من أخواته أن يكلموها عنه ... بدأ البنات بالحديث لتلك الفتاة عن أخوهم وأخلاقه الرائعة ودمه الخفيف وحفاظه على الصلاة والدين واحتقاره للشباب اللي يرقمون .. ومن هالحكي



المهم ..

البنية المسكينة تعلقت فيه وحبته وتمنت اليوم اللي يجمعها به ... لكن المشكلة أنهم من قبيلتين مختلفة وكيف يقنعون الأم العجوز بها البنية الحلوة ... وبعد مشاورات ... وتعرفون النساء وحيلهم وبالذات بنات هاليوم



بعد يومين اتصلت هالبنية المسكينة على أخوات الشاب وقالت : ما فيه إلا أني أتعرف على أمكم شخصيا اللين أخليها تعجب فيني وهي بنفسها اللي تخطبني له .... قاموا يفكرون شلون تتعرف على أمه ؟ طرى على بالها أن أبوها وأمها بيحجون هذي السنة



قالت : وش رايكم تودون أمكم للحج بنفس الحملة اللي بيروحون فيها أهلي وأنا أبقنع أهلي أن يودوني معهم .... ؟ ومن يومها وهي تحن على أهلها أبي أحج معكم ؟ قالوا لها : ما عندنا مانع والحج فريضة على كل مسلم وودنا انك تروحين وتقضين فرضك



انبسطت وقالت له أن أهلها بيودونها للحج معهم والدور عليه اللحين عشان يخلي أمه تروح للحج .. وأول ما وصلوا لمكة وهي تتشوف لها في السكن اللي هم ساكنين فيه وكل وقت وكل صلاه وهي جنبها وبالليل تساعدها بقراءة الدعاء .. ولما جاء يوم عرفه راحت تجمع لها الحصى وتقول لها هذا الحصاة اكبر وتعور إبليس وتعطيها .. ولما راحوا يرجمون كانت معها بكل خطوه من خطواتها ... ولما جاء آخر يوم من أيام الحج وكانوا بيطوفون الوداع راحت تسلم عليها وتحضنها وتقول لها والله إني أحبك زي أمي وإني أرتحت لك يا خالة وتهل من دموع التماسيح

وراحوا للمطار عشان يرجعون لديرتهم ولما وصلوا استقبل الولد أمه وأبوه من المطار وقعد يسألهم عن حجهم وعسى ما تعبتوا ومن هذا الكلام وبعدها قال :

يمّه عسى ارتحتي بحجك ؟

قالت : يا ولدي والله إنه أحسن حج ذا السنة الله يخليك لنا

قال : عسى الناس اللي معك طيبين وارتحتي لهم؟

قالت : والله ما عليهم ناس أجاويد بس



بس

بس

بس

بس

بس

بس

بس

بس

بس

والله ما ضيق صدري إلا بنت لزقة كانت معنا نشبت بحلقي







ما شفت ملقوفة ومطفوقة مثلها







الله يعيين اللي بياخذها

رمز السلام
11-27-2007, 10:59 PM
عجوز مفتحه ما يطوف عليها شي .....قال ايه بتروح الحج...على مين تلعبها

قصه ممتازه ..يعطيك العافيه يالمزيونه

سعدون
11-28-2007, 10:56 PM
امحق عجوز

مانفع فيها الطيب

البنَيه تاركه حجها وجالسه تخدمها وهذي اّخرتها !!

وابشرك يامزيونه سعدون ناوي يحج هذي السنه ان شاء الله

بارك الله فيك

مزيونة
11-29-2007, 12:59 AM
تسلم اخوي رمز على مرورك الطيب
اخوي سعدون يسلموو على المرور الرائع
حج مبروك ولا تنساني بالدعاء

النولي
10-15-2008, 02:00 AM
شكل القصه حقيقه بس الله العالم

كل شي قسمه ونصيب لايضيق الخاطر الله يعوضها بمثلي

مزيونة
10-15-2008, 02:50 AM
اسعدني مرورك اخوي النولي
بس لاتكون الخالة فتو مثل العجوز

النولي
10-15-2008, 03:23 AM
هههههههههه تصدقي انتي عندك الحاسه السادسه ماشاء الله عليك ادعيلي في قيام الليل

مزيونة
10-15-2008, 03:51 AM
هههههههههههه الله يعينك عليها