المساعد الشخصي الرقمي

مشاهدة النسخة كاملة : مانباها البنت غربيه


مزيونة
11-03-2007, 12:43 AM
السلام عليكم ورحمة الله وبركاته

هذه قصيدة للشاعر ( حسين خميس آل علي)

وارجوا ان تنال الإعجاب


اظهرت (م) البيت تتجوّل..واذهبت للسوق فــــــي بغيّه

سارت الخيـــــاط بتفصّل..‎ثــــوبٍ مــــطـــرّز هـــــالبنـــيّه

يت وقالت له خذ تفضّـل..‎هـــــــذي القطعه التــي ليّــــه

سوّ لي ثـوبٍ حلو يهبّل..طــــــــرّزه بفصــــوص ورديّـــــه

طرّزه باللــــولــــو وعدّل..‎وحـــــط له (م) الفولــك شويّه

من ورا خله لي امبطّل..‎بــــــــاب للساقين خل إليـــــه

ذي شروطي لكن استعجل..‎خلصه بسرعه جنونيّــــــه

وانتــــــــه اطلب قول وتدلل..‎عطني القيمه الخصوصيّه

قــــــايس الخيـــاط وتمهّل..‎قال يبغي ألف وسبعميـــه

واعطته ألف ومتـى يكمل..‎ثوبــــها باتيب لـــــوفيّــــــه

واطلعت ثم ادخــلت إيفل..واشترت عقد بثمان إميـه

من بعد مرت على أجمل..‎واشترت عــطـــر بثلاثميه

من عقب سـارت بتتعدّل..‎مرّت الصــــالون في الييّه

قصرت (م) الشعر لا يطول..وقصت البكلـــــه لأماميّه

وحطت المكيــاج لمشكّل..(ع) الوجه حمره إنجليزيّه

اللــــــه أكبر شكلها يخبّل..‎مـــن نظرها قــــال جنيّه

والنهــــــــايه ردت المنزل..وهـــي تضحك والقهر فيّه

يرحم اللـــــــه وقتنا لأوّل..يوم كنـــا نعيش في غيّه

بنتنــا ما تعلـــــم وتندل..كيــف درب السوق موليّه

كانت العيشه قبل أسهل..من حياة اليوم لمعنيـــه

ليت من يسمعنيه يعقل..ما نباها البنت غربيّــــــه

بالأجــــــانب دوم تتمثّل..تتبع الموضـــــه الحضاريّه

ما نبا هاليــــــور يتغلغل‎..فـي البلاديـــن الخليجيّه

ما يهمني وش بعد يحصل..‎قلت كلمه ولا يهمنيه

كلمتي في آخر المزمل..‎مــــا نبـاها البنت غربيّه


ملطوش لعيونكم

ولد المملكة
11-04-2007, 01:34 AM
يسلمووووووووووو اختي مزيونة

رمز السلام
11-05-2007, 12:57 AM
يسلمووووووووووووووووووويالمزيونة قصيده رائعه

مزيونة
11-05-2007, 03:38 AM
يعطيكم العافية على مروركم الطيب

لوجين
07-15-2016, 03:27 PM
لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز