المساعد الشخصي الرقمي

مشاهدة النسخة كاملة : ما تسيبوني فى حالي .......... هو في كدة؟


حبيبة الله
09-03-2009, 08:24 PM
ما تسيبوني فى حالى
http://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gif

انا جاية اسال سؤال واحد بس .... عمرك حسيت ان فى حد مراقبك؟ لا يعرفك ولا تعرفه؟

عاوز تعرف قصدى ايه؟
http://rewayat2.com/vb/images/smilies_2/questionmark.gifhttp://rewayat2.com/vb/images/smilies_2/questionmark.gifhttp://rewayat2.com/vb/images/smilies_2/questionmark.gif

لو كنت راكب مواصلة هتلاقيه مش سايبك فى حالك ..... يعني اذا رن موبايلك لازم اللي جنبك يحاول يسطنبط اي حاجة من الرنة اللي انت حاطتها على الموبايل.. يعني اذا كانت اجنبي فده واحد روش.. ولو كانت رنة لسامي يوسف يبقى ده واحد متديّن.. ولو كانت هيفاء وهبي يبقى ده شاب عازب.. ولو كانت اليسا يبقى ده انسان ضاعت منه حبيبته.. وهكذا

ده غير ان اللي راكب جنبك ده لازم يعرف مين اللي بيكلمك دلوقتي زي ما يكون موبايله وحاطه معاك بالغلط
ولازم كمان يبص مكتوب ايه على الموبايل اثناء الرنة..
ماما؟ بابا؟ حبيبيتي.. وهكذا..
واذا ماعِرفش لازم يسمعك وانت بتكلم ياترى بتقول: ايوة يا بابا؟
ولاّ: ايوة يا روحي؟
ولاّ: نعم؟
ولا: ايوة يا احمد؟
http://rewayat2.com/vb/images/smilies_2/crazy.gifhttp://rewayat2.com/vb/images/smilies_2/crazy.gifhttp://rewayat2.com/vb/images/smilies_2/crazy.gifhttp://rewayat2.com/vb/images/smilies_2/crazy.gif

*******


و يا ويلك يا سواد ليلك لو فتحت شنطتك لازم يبص على اللى جوة شنطتك كلها ويا سلام لو كان مكانك واحدة بنت فتحت شنطتها لازم يشوفوا هي حاطة مكياج في الشنطة ولا لأ؟

ولو انت واقف لازم يتفرجوا عليك وانت متشعبط ولايص وحالتك حالة وانت لازم تمسك في حاجة تسند عليها وفي نفس الوقت بتجيب اجرة السواق ويشوفوا يا ترى انت هتتصرف ازاي في الموقف ده؟ واول ما ترفع دراعك هوبا كل الاوتوبيس يستكشف.. معلش في الكلمة.. اذا كان فيه مية في القميص تحت دراعك
http://rewayat2.com/vb/images/smilies_2/detective2.gifhttp://rewayat2.com/vb/images/smilies_2/detective2.gifhttp://rewayat2.com/vb/images/smilies_2/detective2.gif

و طبعا اذا كانتي فى العربية المخصصة للسيدات لازم يفصصوكي زي ما تكوني عروسة لابنهم ولازم يشوفوا طريقة لبسك وحجابك .... لابسة دبلة ولا لأ؟
وزي ما قلنا قبل كدة انها اول ما تحاول تعدل حجابها او تجيب حاجة من شنطتها او رباط الجزمة اتفك منها لازم المراقبة التامة لغاية ما الموقف يخلص
http://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gif

*******
انا عاوزة اقول احنا مفيش فينا فايدة طول عمرنا هنفضل نبص على بعض ونتكلم على بعض
وعمرنا ما هنعمل حاجة ايجابية في حياتنا بدل ما نسبّح او نقرا قران او نتكلم في حاجة مفيدة
مستنيين لبعض غلطة وواقفين لبعض على الواحدة
وارجع اقول الناس مش سايبة الناس في حالها.. وده اللي مخلينا واقفين في مكاننا
http://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gifhttp://rewayat2.com/vb/images/smilies_2/nosweat.gif