المساعد الشخصي الرقمي

مشاهدة النسخة كاملة : مش عارف انا مين .......... او وسط مين


قطوف
09-01-2009, 11:16 PM
مش عارف انا ايه
مش عارف انا ليه
مش عارف انا مين
او وسط مين
انا وسط ناس مش راحمة
ماتت في قلوبهم الرحمة
كانت صفة بيقولوا عليها
ماتت ومعادتش راجعة
ناس بتقولى خلاص
انه مات فيا الاحساس
وكل دا علشان انا
اوفي بمواعيد الناس
من كل حاجة محروم
من عطف امى وحنان ابويا
وحب اختى وكمان اخويا
خلاص بقيت وانا في وسط بيتى
انسان من كل شئ مذموم
انسان معادش الحب ليه
واهل بيته قسيوا عليه
هاين عليهم يقولوا امشي
ومتعودش تانى ولو فيه ايه
لو كنت اختارت مصيري
واختارت انا خط سيرى
مكانش الحال دا بقي حالى
وبقالى يد في تقصيرى
لما اغلط اتحاسب على غلطى
ولما افشل اتحاسب علي فشلي
مش كل شئ مليش يد فيه
بتحاسب على اخطاء اهلى !
بقيت من كل الناس مكروه
بيقولوا عليا انسان معتوه
ميوفيش مرة يوم بميعاده
انا خلاص في حياتى .. قربت اتوه
مش عارف الاقي نفسي فين
او الاقي اب يقولي مالك
او الاقى حب .. حنين .. من مين
او ام تدّى حنان وامان
او اى حاجة وبلاش الاثنين
خلاص بقيت انسان ضايع
مش عارف اعمل ايه ... بايع !
مبقتش ايقي على حاجة
لا اب سامع ولا اخ طايع
حياتى كمان ملهاش لازمة
بالعكس .. دى عاملالى ازمة
مشكلتى انى انسان حساس
لكنى معدتش اساوى جزمة
القسوة خلاص دمرتنى
ومن اهلى خلاص حرمتنى
ومن كل حلو في حياتى
اخدته منى ... ورمتنى
بيقولوا عليا مش حساس
بيقولوا عنى مش ضمن الناس
بيقولوا عليا كلام كرّهنى
في كل حاجة حتى الماس
انا نفسي اعرف ليه معاندين
وليه لصوتى مش سامعين
ليه بتعامل كأنى غريب
دول اهلى يا ناس طب ليه قاسيين
طب اعمل ايه علشان ارضيهم
عايزنى احقق امانيهم
طيب ساعدونى ولما اوصل
بعديها انا هاحمى خطاويهم
بحلم يعدى عليا يوم
من غير ما نقول عتاب ولا لوم
وتانى يوم نقوم نتخانق
ودايما اكون انا المعلوم
دايما بكون انا الغلطان
دايما بكون انا مش انسان
مبقولش عنى انى ملاك
لا سمح الله دانا الحيوان
انسان مجنون في الدنيا عايش
ملهوش هدف .. مبقاش شايف
عايز في يوم انه يحس
ان له أب ... وعليه خايف
انسان حياته بقت جحيم
مش لاقي حد يمون بيه رحيم
من اهله او حتى اصحابه
دا حتى الحب بقي شكله قديم
مش قادر احس بحب الناس
دايما شايف في عنيهم احساس
بيقول انه ممكن يغدر
مش ممكن يوم يدّيك اخلاص
لكن في آخر ايامى
لقيت حب جديد قدامى
حب بيتمثل في ................ !
بتسمعنى وبتحس الامى
يارب ليا ارجوك احميها
دى ملاك نازللى ارجوك خليها
وقدّرنى يوم انى اسعدها
ومن حبها ليا اديها
دى مركز حب على وجه الارض
بيوزع رقه بالطول والعرض
وعن عيون الناس ابعدها
وليا اجعلها سنّه وفرض
يارب يوم ما تفرقناش
وعن بعض ابدا ما تبعدناش
ويارب احميها من كل شيطان
ومن اى سوء متقربهاش
دى هى الحاجة اللى فاضلالى
دى غرست حب تانى فيا
خلتنى احس تانى بامان
خلتنى ادوق تانى الحنان
دى هيا الامل والعطف هيا
يارب اجعلها آخر امانيا
ارجوك يارب تحققها لى
واجعلها ليا كل امالى
دى صبحت قلبي وروحى وعقلي
وكل شئ تانى بالنسبة لى
يارب
احميها
احرسها
خليها
لانها هى
حبيبتى