المساعد الشخصي الرقمي

مشاهدة النسخة كاملة : قصيده لكل شاب يلعب على البنات


مزيونة
10-19-2007, 01:35 AM
يامدعين الحب يااصحاب الاشناب

ياأهل الغدر والكذب وطبوع(ن) دنية

لاتحسبون الحب كلمات بكتاب

وألا أغاني وتنهدى للبنـــــــــــية

ماعندكم للحب معنى ولا أسباب

في مهزلتكم مالقى له هويــــــــة

خذتو المشاعر تسلية كأنها ألعاب

وخنتوا العذارى والقلوب البريــة

وين الوفا والتضحية بين الاحباب

والصدق وينه مابقى له بقيـــــة

ياللي تقول إنك من الحب منصاب

مظلوم وجروحك في المحبة دميــــة

وقف مع نفسك واكشف لها حساب

واسأل احاسيسك إذا هي وفيـــــــــة

لاتدعي الاخلاص وتلوم الاصحــــاب

وأنت الذي اذنبت وغيرك ضحيــــــــــة

دام الهوى كاذب والخل كــــــــــذاب

ماللعتب داعي وبنسى القضيــــــــــة

سعدون
10-19-2007, 02:55 PM
اختي مزيونه

سعدون تراه شاعر وتارك الشعر من زمان

لكن بعد قرائة القصيده حبيت اشارك.

ردا على الحمله على الشباب وتحميلهم الخطأ

وأطلب من اخواني الشباب التشجيع والمؤازره على هذه الحمله

واليكم الرد

يا مشرفتنا ودًنا نكتب عتــــــــاب
على قصيده تذبح العاطــــــــــــفيه

هاتي دليلك ! او ترى نعلن إضراب
ولا ترى نزعـــل عليكم شــــــــوًيه

وش ذنب عيني لا رأت شي جذًاب
والدمع سبًب للرموش الأذـــــــــيه

وش ذنب عيني لا رأت سود الأهداب
وش ذنبها والكــــل يشره علــــــــيه

ماكل منهو يعلن الحــــــــــــب كذًاب
لاكن بنات اليوم هًــــــــــــــــن الأذيه

خلًن ضحاياهن من الحـــــــــب شيًاب
ياما سمعنا من قصص واقــــــــــعيه

واليوم والله والله اليـــــــــوم يا احباب
اليوم مالي في الهوى جــــــــــــاذبيه

يامشرفتنا قلبي اليــــــــــوم منصاب
وماضن تنفع فيه تســـــــــــــعين كيًه

بس الوكاد اني تماديت بإسهـــــــاب
ياليت (مزيــــــــــــــونه) ماتزعل عليه

esmaelovic
10-19-2007, 03:01 PM
صح لسانك
مشكووووووووره اختي مزيونه

مزيونة
10-20-2007, 12:29 AM
ماكل منهو يعلن الحــــــــــــب كذًاب
لاكن بنات اليوم هًــــــــــــــــن الأذيه

خلًن ضحاياهن من الحـــــــــب شيًاب
ياما سمعنا من قصص واقــــــــــعيه

صادق والله ياسعدون
صح لسانك يالشاعر

مزيونة
10-20-2007, 12:30 AM
صح بدنك اخوي esmaelovicتسلم على مرورك الطيب

رمز السلام
10-20-2007, 04:53 AM
قصائد رائع اهني المزيونه عليهاو على تقبلها الرد وعدم سؤا الفهم وشكر خاص الى شاعرنا المبدع سعدون سعدون على رده الجميل

مزيونة
10-20-2007, 11:54 PM
تسلم اخوي رمز على مرورك الطيب

ولد المملكة
10-30-2007, 03:49 AM
ياقلبووووووووووووة ياسعدووووون بردت قلبي يالغالي

وربي انك شاعر على ساس

صح لسانك ولاتحرمنا من قصائدك الرائعة

ومشكووورة اختي على موظوعك برغم اني اراكي فاهمة الشباب خطا

ترى اصابع يدك مو وحدة

مزيونة
10-30-2007, 03:24 PM
تسلم اخوي ولد المملكة على مرورك
انا مو فاهمة الشباب غلط بس لازم مثل هالمواضيع عشان نشوف تفاعل الشباب والبنات
والنعم فيكم يالشباب

ولد المملكة
10-31-2007, 04:44 AM
وفيكي يالغالية

اللة لايحرمنا منك

كويتي مزيون
02-12-2008, 02:31 AM
أبي أكتب قصيدة حب , أبي تفهم معانيها , أبيك بين هالعالم تفاخر يوم تقرأها , أبيك لحرفها تطرب ,
أبي غيرك يغنيها , أبي لان سألك انسان , من الى فيك سواها , تقول اللي سكنت قلبه , وروحه لي مهديها
أبي أوصف شريك العمرأعبر بالقصيد الوان**وابيَن للملا شلَي أحبه بسيد خلاني
**أبيه الحب والنخوه أبيه بصافي التحنان**أبيه يحبني كلّي وانا له غالي اثماني**أبي عملاق بافعاله أريده بالطبع انسان*
*يقدّر قلبي الطَيب ويمسح كل أحزاني**أبيه مصليٍ فرضه أمين لطاعة الرحمان**أبيه بخلقةٍ واخلاق مكمل دين وايماني '

مزيونة
02-12-2008, 02:47 AM
تسلم اخوي كويتي مزيون على القصيدة الرائعة
واسعدني ردك