المساعد الشخصي الرقمي

مشاهدة النسخة كاملة : •·.·´¯`·.·• ( حملة * هنتغير بجد *بإذن الله ) •·.·´¯`·.·•


قطوف
08-25-2009, 03:25 PM
السلام عليكم

حملة
(هنتغير بجد)
للشباب
&
الفتايات

هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد

=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...


الحلقة الاولى

http://up5.q8lots.net/uploads/images/q8lots-2164770a3e.gif (http://up5.q8lots.net/uploads/images/q8lots-2164770a3e.gif)

(المقدمة)

+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
http://www.kazamiza.com/vb/images/ehdaa_smilies/eh_s(21).gifhttp://www.kazamiza.com/vb/images/ehdaa_smilies/eh_s(21).gifhttp://www.kazamiza.com/vb/images/ehdaa_smilies/eh_s(21).gif
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته

الى اللقاء فى الحلقة التانيه
مع
حملة
(هنتغير بجد)



http://www.kazamiza.com/vb/images/ehdaa_smilies/eh_s(21).gifhttp://www.kazamiza.com/vb/images/ehdaa_smilies/eh_s(21).gifhttp://www.kazamiza.com/vb/images/ehdaa_smilies/eh_s(21).gifhttp://www.kazamiza.com/vb/images/ehdaa_smilies/eh_s(21).gif

الفكرة مقتبسة من إحدى المواقع

ولأنها أعجبتنى أحببت وضعها هُنـا

http://www.giantup.com/get-7-2009-Giantup_CoM_om73ph6u.gif (http://www.giantup.com/)

لقد شعرت إن الشباب مازال بخير

وجعلنا الله منهم

http://www.giantup.com/get-7-2009-Giantup_CoM_om73ph6u.gif (http://www.giantup.com/)

ياريت نطبق الحملة دى هنا فى المنتدى ده
ياريت فعلا كلنا نحاول نتغير بجد وناخد الحملة دى بجد وانا اولكم وكلنا نعيين بعض هنا فى القسم ده على الحملة

دمتم في حفظ الباري
__________________

قطوف
08-25-2009, 03:27 PM
الحلقة الثانية
(امسح كل ذنوبك)
+ايه الاخبار
=ده انت عملت امبارح فيا
حتة مقلب قعدت تحمسنى
وفى الاخر علقتنى ومشيت
+عارف وكان قصدى
=ايه!!
=طيب ليه كده؟
+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك امبارح ثق فى الله
وما تحملش هم
=ماشى..مش ندخل فى الموضوع بقى
+ماشى..يلا
3..2..1..
+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت
=ايه ..http://www.egycrazy.com/vb/images/smilies/385_4.gif
=انت بتكلمنى انا..
+طب بلاش ..
ممكن تعد ذنوبك اللى عملتها
طول الاسبوع ده
=يا عم انا ماشى ...
انت جاى تفكرنى باللى فات
+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انت؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انت مش مصدق ربك ولا ايه ؟؟!!
=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟
+انا عارف انك فرحان اوى
علشان كده اسمع الحديث القدسى
الجميل ده
(يابن ادم لواتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...
=طب ولو ذنوبى اكتر
+ممكن ما تقاطعنيش تانى
=انا اسف بس انا فرحان اوى http://www.egycrazy.com/vb/images/smilies/18.gif
+عارف بس اسمع للاخر
=ماشى انا اسف
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انت واخد بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه ..اد ايه رينا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انت ازاى بتستغفر ربنا
هل بتستغفر من فمك ولا من قلبك
=طب ازاى استغفر من قلبى
+بأنك وانت بتستغفر تكون واثق من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقول اى حاجه
+انا قلت بكرة ان شاء الرحمن
+يلا..السلام عليكم
=برده بتعلقنى..
=وعليكم السلام
الى اللقاء فى الحلقة الثالثه مع
حملة
(هنتغير بجد)

قطوف
08-25-2009, 03:30 PM
الحلقة التالته
(توب وربنا هيتوب عليك)
+عامل ايه دلوقتى مع ربنا؟
=اسكت ..اشتغلت شويه وكل
شويه افتكر الذنوب اللى عملتها
واقول ازاى ربنا هيغفرها لى
+خلى بالك ده شيطان عاوز
يخلى كل اللى عاملته
تهده بايدك تانى
+و ماتنساش الحوار اللى حصل بين
الله عز وجل
و الشيطان لعنه الله
لما كان الشيطان
خارج من الجنه بقول
لربنا
(وعزتك وجلالك لاغوينهم اجمعين
وربنا بيرد عليه وبيقوله
وعزتى وجلالى لاغفرن لهم ما دامو
يستغفروننى)
ايه رأيك !!
=يعنى ده شيطان عاوز يبعدنى
عن ربنا
+وربنا بيقول لو استغفرته هيغفر لك
=ماشى ندخل فى حلقة النهارده
+ماشى
3..2..1..
+السلام عليكم
=وعليكم السلام
+حلقتنا النهارده عن ازاى نتوب
+فى البدايه ..
نعرف ايه اللى بيحصل حولينا
كل يوم
ان الله ينزل الى السماء الدنيا كل
يوم فى الثلث الاخير من الليل
ويقول
هل من مستغفر فأغفر له
هل من تائب فأتوب عليه
هل من داع فأستجيب له
(انت فين بقى فى الوقت ده)
=..........
+وخلى بالك ان الله ينزل الى
السماء الدنيا
بالنهار ليتوب مسئ الليل
وبالليل ليتوب مسئ النهار
(والله مالكش حجه)
= ايه ده ... بقى الفرص
دى موجوده قدامى وانا مش اخد بالى
+وخلى بالك
ان ربنا من اسمائه
التواب وليس التائب
عارف ليه
=ليه ..؟
+لان لو ربنا اسمه التائب
لو عملت معصية وتبت هيتوب عليك
مرة واحده بس
ولكن اسمه التواب يعنى مهما تتوب
هيتوب عليك
انه الله
=ونعم بالله
+وخلى بالك ربنا مش هنقص
من ملكه شئ لو ماغفرلكش
ومش محتاجلك فى حاجه
ولكن..
=انا اللى محتاجه ..عارف
=بس ماعرفش هو هيقبلنى
ولا لا
+طب بص لو انت عاوز تتوب بجد
وبصدق من قلبك
هيتوب عليك
وما تنساش ان
الله كريم جدا
واكبر من ذنوبك
لذلك ادعى
اللهم ان ذنوبى عظيمة ولكن
عفوك مغفرتك اعظم فاغفر لى وتب على
صدقنى لو انت عاوز تتوب بجد
روح لربنا واترجاه وربنا
بيستحى ان يردك وانت خائب فى دعائك
وثق بالله ومالكش دعوه
وبس ...
=ايه ده حلقة النهارده
قصيرة جدا
+انا عارف لان ما يتضمنه حلقة النهارده
كله قلته ومن الاخر
صلى ركعتين توبة وادعى فيهم
وثق فى الله
وما لكش دعوة وسيب الباقى على الله
=طب وحلقة بكره هتبقى عن ايه؟
+ان شاء الله
هتبقى ازاى تلحق نفسك من النار
مش كده وبس
=امال ايه
+برده عن ازاى تحرم جسدك على النار
وازاى تخلى النار تتدعى ربنا
انه يبعدك عن النار
الى اللقاء فى
الحلقة الرابعه
من
حملة
(هنتغير بجد)

قطوف
08-25-2009, 03:32 PM
(اخرج نفسك من النار)
+عامل ايه؟
=تمام ..
بصراحة انا بدأت اتغير بجد
مش عارف عندى احساس بأنى
لسه داخل الاسلام
+ابشر اوعدك بالتغير
وان شاء الله
نحقق شعارنا
وندخل الجنه سوا
=ربنا يسهل
+وخلى بالك
(ان الله لا يغيرما بقوم حتى يغيروا ما بأنفسهم)
يعنى مش انت اللى هتغير نفسك
انت هتغير ما بنفسك
والفرق كبيير
يعنى علشان تشوف حال قومنا
(امتنا )
احسن الاول تغير نفسك من جوه
=كلامك صح
=طب ممكن نبدأ
3..2..1
+السلام عليكم
=وعليكم السلام
+حلقتنا النهارده هدفها
نوريك ازاى ممكن تعتق نفسك من النار
بكل سهوله
=سهولة ايه http://www.egycrazy.com/vb/images/smilies/72_72.gif !!
=مش وسعت منك شويهhttp://www.egycrazy.com/vb/images/smilies/273_2.gif
+ليه؟؟
=انت بتتكلم ازاى تطلع نفسك
من النار
مش من حديقة الحيوان
ولامن متاهة
دى النار
+طب ممكن اتكلم و
تسمع للاخر
=اتفضل
هقولك كذا طريقة وكل
طريقة تقولى ايه رأيك فيها
=ماشى اتفضل
(الطريقة الاولى)
+صلاة اربعين يوم فى جماعة
بشرط تكون تكبيرة الاحرام
بتتقال وانت فى الصف
=بس دى صعبه شويه
لان انا بصراحة
كل فين وفين لما بصلى
الفجر فى البيت اساسا
+ما تخفش فى اكتر من حلقة
هتتعمل عن الصلوات والفجر بالذات
(الطريقة التانيه )
+لو سيادتك حافظ القران بالكامل
او بتحفظه او ناوى
بصدق تحفظه بالكامل
ابشر انت معتوق من النار
=بقولك انا بدأت اقرب من ربنا
وانت عارف انا كان حالى مع ربنا ازاى
+برده حنعمل حلقه عن القران
هتبقى جامده جدا
(الطريقة التالته)
+لو قعدت تحاسب نفسك
وفاضت عينك من خشية الله
بس لسه برضه قلبى ما بقاش
طرى اوى علشان اطلع كل اللى فى قلبى
لربنا
+ربنا عارف كل شئ عنك من غير ما تقوله
ولكن امتى هتعترف بذنوب
(الطريقة الرابعة)
+تصلى قبل وبعد صلاة الظهر
4ركعات
=تصدق دى اسهلهم لحد لما
ربنا يسهلها
+و يا ريت تبدا بالتدريج
وان شاء الله تلحق نفسك من النار
وخلى بالك الحلق الجايه من اهم الحلقات
=طب عن ايه؟؟
+هتعرف بكرة..
+يلا
+السلام عليكم
=وعليكم السلام
...............

قطوف
08-25-2009, 03:34 PM
+السلام عليكم
=وعليكم السلام
يلا ابدأ
مونتاج:
3
2
1
اكشن
+هنبدأ على طول
=ماشى
+هنمشى خطوة خطوة
=ماشى
+اول خطوة نحاول
نبعد عن المعاصى
=ازاى
+ حط فى دماغك
ان لو صيامك
مبيبعدكش عن المعاصى
=ازاى
+تخيل ان الرسول من النهارده
ماشى معاك فى كل مكان
وانت ماشى فى الشارع
وانت قاعد فى البيت وانت نايم
فى كل مكان وخلى شعارك
(الله معى
؛الله ناظرى
؛الله مطلع على )
وتخيل ملك الموت وهو جاى لك وانت بتعصى
اكيد اكيد هتبعد عن المعاصى
وما تقولش لو بطلت معاصى
شخصيتى هتتغير
لان من ترك شئ لله عوضه الله خير منه
عارف يعنى ايه ؟
=مش عارف
+يعنى لو كان شخصيتك هتتغير
لله
هتتغير للاحسن
وربنا هيحبك
وان الله سيجعل الملائكه والناس
يحبوك جدا
وما ادراك ما
حب الله
ثم
حب الملائكه
ثم
حب الناس
يلا بينا نتغير ونطبق
ونحس برمضان
والسلام عليكم
=ايوه كده نتغير على طوول وبجد
وعليكم السلام

قطوف
08-25-2009, 03:35 PM
الحلقة السادسة

http://up5.q8lots.net/uploads/images/q8lots-37d5d193de.jpg (http://up5.q8lots.net/uploads/images/q8lots-37d5d193de.jpg)

عامل ايه ؟
=ياعم اسكت بقى
انت ايه اللى اخرك عليا
ده انا كان فاضلى كام خطوه واذوق الاسلام بجد
+طب بالراحه ياسيدى
انا آسف
=عملت ايه بيها
هتقربنى من جديد
+لا ولكن افتح قلبك
ده انا مجهز كام حلقه
قبل رمضان
علشان ندخل رمضان ونطلع ويكون غير فينا بجد
علشان نبقى داخلين رمضان
واحنا مستعدين بجد
=بس برضه زعلان منك
+طب ولو رجعت تانى احسن من الاول
=أ..احسن من الاول
ب..ب.بجد
=انت بتتكلم بجد
+طبعا
افتح قلبك
وسيبها على ربنا
=ونعم بالله
+قول الاول انت عملت
ايه فى الفترة اللى فاتت
=يا عم متفكرنيش
انت سبتنى بقيت شغال
يوم طاعه وفرحه
ويوم معاصى
+طب اسألك سؤال
=اتفضل
+انت عاوز تتدخل الجنه
=....!!
=طبعا
+لا بجد عاوز الجنه ؟
=طبعا
+طب تقدر تقول لنفسك ازاى تبدأ
فى طريق الجنه
=الطريق صعب جدا
ولكن حلو اوى
+طب ولو قلت لك ان الطريق سهل جدا
=يا عم اتكلم بواقعيه
هو ايه اللى سهل
طريق الجنه ..!
سهل..
ازاى
http://www.egycrazy.com/vb/images/smilies/273_2.gif
+اسمع..
=طيب ازاى
+اصبر..
=ماشى ازاى بقى
+يابنى اسكت شويه عاوز اتكلم بقى
الناس عاوزه تسمع http://www.egycrazy.com/vb/images/smilies/22_3.gif
=...http://www.egycrazy.com/vb/images/smilies/50_51.gif
+ايوه كدهhttp://www.egycrazy.com/vb/images/smilies/243_3.gif
+اسمع بقى
تعرف يعنى ايه تبقى مسلم
=....؟http://www.egycrazy.com/vb/images/smilies/348.gif
+اقولك
ان انت علشان
تبقى مسلم
لو معاك فلوس تبنى اسلامك
على 5 عواميد
ولو زى حالاتنا
تبنى اسلامك
على4عواميد
=يعنى ايه ؟
+بنى الاسلام على خمس
ولو معاك فلوس هتحج
ولو معكش غير مفروض عليك الحج
=آه..فهمت
=يانهار ابيض ...!
ده احنا نسينا اهم حاجه
+ايه ..؟؟
=ده احنا لسه ما بدأناش الحلقه
+يا صلاه النبى
يلا مونتاج
3..2..1..
+السلام عليكم
=وعليكم السلام
+عامل ايه مع ربك
=الحمد لله
=ماشى على سطر وسطر
ورمضان داخل
وباقى كام يوم ولسه ما استعدتش
والفترة قليله
يومين بس
يعنى مفيش امل
خالص
+طب هو رمضان خلص
= لسه ما جاش
اساسا
+طيب انت قلت
يا راجل انه لسه ماجاش
يعنى فرصتك
وما تقولش هستعد وهتوب فى رمضان
وارجع بجد فى رمضان
لانك ماتضمنش تكمل قرائة
الموضوع ده اساسا
ممكن فى اى لحظه
تموت
والمصيبه تبقى توفيت ولم تتب
شكلك هيبقى وحش اوى
وانت ليك رب وهو الله
الكريم
الجواد
التواب
+طب ممكن اسبتك بسؤال
=اتفضل
لو واحد مسيحى قالك
عملت ايه لدينك
وانت مسلم
=.....!
+سؤال من الاخر
=عندك حق
طب ولو ربك سألك
وقالك
اخترتك للاسلام
عملت ايه ؟
=...!
+طب انت لسه فى الدنيا
اعمل حاجه
=ياعم ارجع الاول
لربنا وبعدين اعمل
+طب ما تعمل الاتنين مع بعض
=ازاى
+يعنى اكتب اذكار وعلقها فى مسجد
فى رمضان
انت وصحابك اشترى كيلو تمر
بدل الكنافه ووزع على العربيات
لحظه الافطار
وخد ثواب كبيييير
وحاجات كتيير
=طيب من الاخر
ارجع لربنا ازاى فى اليومين دول
+دافى الحلقه الجايه
بس ندردش مع بعض اول حاجه
+ماتتوبش مرة واحده
=يا عم ماتجننيش
يعنى ايه ؟
+يعنى لو بتعمل معصيه ما
مثلا بتعلى صوتك على والدتك
او والدك
ماتبطلش زعيق وتاخد الحياه جد
ولكن خلهم اصحابك
هزر واضحك معاهم
وخليك ذكى فى الطاعه
وخلى بالك
ان طول ما انت ماشى صح
هتلاقى مطبات
كتيره
=ازاى
+يعنى هتلاقى تريقه
والشيطان يجى لك
كام مرة
يعنى مش هيسيبك فى حالك
والواجب العملى
انك تجيب ورقة وقلم
وتكتب ايه الايجابيات فى شخصيتك
=والسلبيات
+لا الايجابيات
(وياريت كله يكتبها فى مشاركه )
وماتقولش ده غرور
بالعكس خالص اكتب عن نفسك
علشان اعرف انا هعمل ايه بعد كده
=طيب سؤال وبلاش ضرب
+اتفضل
=ايه هدف حلقه النهارده
+هدفها نستعيد لغه الحوار تانى و
اهم حاجه نستعد للحلقات الجايه
لانها مهمه جدا جدا
=تصدق انا كده فهمت
+احمد ربك
=الحمد لله
الحلقه الجايه امتى ..ماتتأخرش
+لا ماتخافش ان اعطانا
الله العمر كمان كام ساعه
=انت عارف لو اتأخرت زى المرة اللى فاتت
http://www.egycrazy.com/vb/images/smilies/22_3.gifhttp://www.egycrazy.com/vb/images/smilies/22_3.gif
+انا اقدر http://www.egycrazy.com/vb/images/smilies/000200BF.gif
+السلام عليكم
=وعليكم السلام

قطوف
08-25-2009, 03:37 PM
الحلقة السابعة

السلام عليكم
+عامل ايه ؟
=تمام
متأخرتش يعنى
+علشان عاوزين نرجع قبل رمضان
=طيب هنتكلم عن ايه دلوقتى
+حلقه مهمه جدا
يمكن اتكلمنا عليها قبل كده
بس فى موضوع تانى
=يعنى عن ايه ؟
+عن الصلاه
=بس بقولك ايه..
+اتفضل
=انا عارف حاجات كتيير عن الصلاه
ولكن ....مش عارف
اهم عمود فى الدين
عارف ابنيه ازاى
ولكن مش عارف ابنيه
..مش عارف..
+طيب ايه رأيك
نبنى العمود ده مع بعض
وكمان نبنيه صح وعمره ما يتكسر
ابدا وبرضه تبنى العمود لكل اللى بتحبهم
يعنى تضمن الجنه ليك ولكل اللى حوليك
=بجد ولا بتهزر
+انا عمرى هزرت معاك فى الدين
=لا بس اتفضل كمل
+انت عارف ان ال...
=استنى ..
+فيه ايه ؟
=قول كل اللى عاوزه فى الحلقه
+ماشى
__مونتاج__
3..2..1..
+السلام عليكم
=وعليكم السلام
+عامل ايه
=تمام الحمد لله
ابدأ ..وانجز
(+الناس شايفانه اسكت خالص )
=حاضر اتفضل
=آسف
+حلقه النهارده عن الصلاه
+طبعا سيادتك عارف قيمه الصلاة
ولكن فى البدايه ممكن اسأل سؤال
=اتفضل
+انت مابتصليش ليه ؟
=.......
لان ..
بصراحه
انا مش عارف ليه
+اقولك انا
+شوشو بيلعب دوره صح
=مين شوشو ده
+الشيطان
=اه
+ازاى بيلعب دوره
ابعدك خالص عن ربك
وخلى بالك ان ربك حذرك من ده
=ازاى
+قال لك الكريم
(ولا تتبعو خطوات الشيطان )
ولم يقل لك
(ولا تتبعو الشيطان )
=وايه الفرق
+الفرق ان ابليس
عارف انك مسلم
استحاله يجى لك مرة واحد ويقول لك
ويقولك بطل صلاه
استحاله تبطل
ولكن علشان تعرف ازاى الشيطان ابعدك على الصلاه
تابع هذا الموقف
الخطوه الاولى
انت جالس على الجهاز يقول لك حط سماعات
الهيد فون على اذنك
وعلى الصوت علشان تعيش مع الصوت
____________
الخطوه الثانيه
على الصوت على الاخر
______________
الخطوه الثالثه
لما الاغنيه تتخنق تقوم
للاسف الصلاه عدت وصلو خلاص
_______________
الخطوه الرابعه
تقول لما اقوم اصلى
وانت فى الخلاء
تغيب فترة
_____________
الخامسه
تنسى تتوضى
وتخرج وتروح تمدد على السرير وتنام
___________
لما تصحى
شوشو يقول ياسيدى
ليك عذرك
وماتخافش
________
دى واحده من حيل الشيطان
خلى بالك منه
=عندك حق
+طب الصلاه
ابدأ بالعناد
واعرف انك لو بتتعاند نفسك
اجرك كبيييير
عاند بقى
=معلش انا كده لو صليت
هصلى كام يوم
وبس خلاص
+طب انت ذوقت طعم الصلاه
=اسمع عن طعم الصلاه
ولكن لم اذوقها
+طيب واللى ذاقو الطعم ده قالو ايه
=شعور لم ولن يحدث الا فى الصلاه
+طيب عاوز تتذوق طعم الصلاه
=ياريت
+اتوضى صح
=هو انا بتوضى غلط
+لا مش قصدى
=امال ايه ؟
+انت بتحس بأيه وانت بتتوضى
=عادى ببل نفسى
بالماء
+طيب بص يا سيدى
حاول تحس بأنك بتنظف نفسك
=؟؟؟
+ايون
حاول تحس ان ذنوبك
بتقع فى الحوض
=وبعدين
+هتحس بأنك نظيييييف
جدا
نطيف بجد
وهنا هتبتدى تتغير بجد
وبعد كده روح صلى
=وانا نظيف ..

قطوف
08-25-2009, 03:39 PM
الحلقـة الثـامنة

http://up5.q8lots.net/uploads/images/q8lots-95e4e3d6fe.jpg (http://up5.q8lots.net/uploads/images/q8lots-95e4e3d6fe.jpg)

السلام عليكم
الحلقات الرمضانيه
+عامل ايه
=الحمد لله

+عامل ايه فى رمضان
=الحمد لله
=انت عارف يا محمد
انى مخنوق جدا
مخنوق اوى
مش قادر
مفيش فايده منى
اذا كان رمضان ويادوب
اشتغلت فى اول يومين
والباقى بقى يوم يروح منى الفجر
ويوم تروح التراويح
ويوم تروح عليا صلاه وممكن
مااصليهاش
اساسا
كل ده وانا فى رمضان
اكبر فرصه للتغير
افضل فرصه
علشان
نتغير بجد
....
....
=بجد مش عارف اقول ايه
الشياطين متسلسله
وابواب النار مقفوله
والصلاه بسبعين
وبرضه مافيش فايده
انا زى ما انا
+خلاص خلصت
=انت بتتريق
=انا غلطان انى كلمتك
+اولا انت اللى مموتك انا لسه
متعرفش معنى الدين وما ذقتش طعمه
وطعم رمضان
=ازاى
+اقولك ازاى
=قول ياعم
+هتكلم عن حاجه حاجه
اولا
الصلاه
عارف صلاه الجماعه بتقف
عليك بكام صلاه
=يعنى ايه
+يعنى انت بتصلى كام مرة فى رمضان
=اكيد 5فى اليوم
+ده انت غلبان
=آه صح افتكرتالصلاه بسبعين
+برضه غلبان اوى
ممكن تجيب اله حاسبه
=ماشى
+لا قوم بجد
=؟؟؟
+قوم بس
=ماشى جبت
+احسب معايا الصلاه بتقف
عليك بكام لما تصليها
+احسب
1صلاه ×70 اجرها
فى رمضان ×24ثواب صلاه الجماعه
×2ركعتين السنه
(النافله بفريضه )
هنقول 2بس سنه
تساوى كام
=...؟؟؟؟
=نعم !!!
=ايه !!
=كام !
=الصلاه هتقف ب3360صلاه
http://www.egycrazy.com/vb/images/smilies/157_2.gif

=......
=والله مش عارف اقول ايه
=يعنى انا لما اصلى المغرب بالسنه
مثلا
يتكتب ليا وكأنى صليت
3360مره
+ ده على اساس انك هتصلى المغرب فى يومك كله
=قصدك ايه ؟
+فى 4صلوات باقيين
=تصدق من الفرحه نسيت
+احسب معايا بسرعه
من الاول
5 صلوات ×70اجرها فى رمضان
×24 اجر الجماعه
×(صلاه السنه )
(2فجر +8ظهر +2مغرب +2عشاء
+1 وتر ) تساوى كام
=......
=محمد
+نعم
=هاتلى دكتور
+اسند نفسك انت شفت حاجه
=نعم
امال انا شفت ايه
انا شفت انى فى اليوم
هيتكتب لى انى صليت
126000صلاه
بس
وقال ايه زهقان
اطربنى يا عم
+ لا الحلقه الجايه بقى
=لا قول دلوقتى
+الحلقه الجايه هتكون قريبه
+بس طبق دول الاول
وحافظ على كل الصلاوات فى المسجد
+وعلى فكرة اختنا
صلاتك فى البيت بمثابه صلاه الجماعه
يعنى الاجر لكله
=بس ما تتأخرش فى الحلقه الجايه
+ماشى
+السلام عليكم
=وعليكم السلام

قطوف
08-25-2009, 03:40 PM
الحلقة التــاسعة

http://up5.q8lots.net/uploads/images/q8lots-95e4e3d6fe.jpg (http://up5.q8lots.net/uploads/images/q8lots-95e4e3d6fe.jpg)

+السلام عليكم
=وعليكم السلام
=استاذى
+يا عم ما تكبرنيش اوى كده=عاوز احكيلك على حاجه
فى كام فرض فى رمضان
فاتنى وما صلتهوش
اعمل ايه
وممكن اعوضه
+طبعا ممكن تعوض
انت ليك رب اسمه الله
يعنى اطاعته او عصيته
مش هتضره بشئ
واهم حاجه تعترف بذنبك
امام الله
وتروح له
=واعترف له ازاى؟
+انك بتصلى ركعتين
بس
واثناء ما انت ساجد
كلمه
بأى طريقه تعجبك
بالعاميه مثلا
وكلمه من قلبك
وحط فى دماغك ان مهما يكبر ذنبك
مش هتكون اعظم واكبر من الله= بس انا كده هصلى اللى فاتنى وانا
معرفش كام بالظبط ؟
+وحتى لو تعرف
طالما انت تبت
ربك يسامحك
فى كل اللى فات
بس روح له واسجد له
وزى ما قلتلك خليها
وكأنك هتصلى اخر صلاه فى حياتك
والله لو اندمجت
ممكن تقعد فى الصلاه نصف ساعه
واكتر كمان=بس مش عارف بحس ان الجو مش مهئ
للصلاه
امهد الجو ازاى
+بص حاول تصلى بالليل
علشان حتى لما تبكى ما تبقاش مكسوف
من اخوك الصغير او ابنك
او اى حد
واطفى النور ولو بتخاف من الظلام
شغل ضوء خفيف ويكون فى ظهرك ومش قدامك
=بس كده
+اه=اى خدمه
+السلام عليكم=وعليكم السلام بس
ما تبقاش تتأخر
+ماشى
سلام

قطوف
08-25-2009, 03:41 PM
الحـلقة العاشرة

http://up5.q8lots.net/uploads/images/q8lots-95e4e3d6fe.jpg (http://up5.q8lots.net/uploads/images/q8lots-95e4e3d6fe.jpg)


+السلام عليكم

=وعليكم السلام

+نصف رمضان فات

=ياعم عارف

=محمد هو ممكن اتوب فى

الباقى من رمضان

+طبعا ممكن

وبعدين شكلك حزين اوى

=يا عم نصف رمضان فات

وعادى جدا ولا كأن فى حاجه

حصلت

+انت تزعل بجد لو فاتتك ليله القدر

لكن لازم تستعد من دلوقتى

=ازاى

+ده اللى هنقوله فى الحلقات الجايه

=يعنى انت جاى تسلم وماشى

+لا علشان نستعد مع بعض

=طب بالله عليك ما تتأخر

+ماشى

السلام عليكم

=وعليكم السلام



اعتذر

سبقت الاحداث

علشان ما تحسوش بالملل

اهم شيئ تستفيدو
__________________

قطوف
08-25-2009, 03:43 PM
الحلقة الحادية عشر

http://up5.q8lots.net/uploads/images/q8lots-4054543115.jpg (http://up5.q8lots.net/uploads/images/q8lots-4054543115.jpg)

+السلام عليكم
=وعليكم السلام
+عامل ايه
=الحمد لله احسن
وبطلت كام معصيه
نهائى
والباقى بدأت اقلل منه
بس مش هقدر ابطل
+طيب هو ربنا يقدر
يخليك تبطل ؟
=طبعا
+عارف ازاى
=لوربنا عاوز يهدينى
+لا
ربنا يعملك كل اللى انت عاوزه
فقط بالدعاء
=اى حاجه اى حاجه
+طبعا هو لو ربنا اجاب دعائك
هيقل شئ من ملكه
=لا
+طيب يبقى هيجيبك باللى
انت عاوزه ولكن بشروط الدعاء
=ايه هى ؟
+اولها تعرف انت بتتدعى مين ؟
=طبعا الله
+طيب يبقى تيقن ان ربنا هيجيبك
وتأكد من اجابته لك
لانه وعدك بالاجابه
+واقعد اترجى ربك
وعيط وما تتكسفش
ده ربك
وانت محتاج قربه
وحبه
ونعمه
+وادعيه فى اوقات الاجابه
=زى ايه
+بعد الاذان
واثناء السجود
ويوم الجمعه وساعة نزول المطر
واوقات كتير
بس انت ادعى
واستنى الاجابه
واطلب اللى انت عاوزه مهما كان
حتى لو عاوز تخرج لو عاوز تشترى هدوم
=انت بتهزر
+انت عارف ان احد الصحابه
بيقول انا كنت بسأل الله كل شئ
حتى الملح
وبعدين ربنا يمتلك خزائن الارض والسماء
=طيب لعلمك ربنا ممكن ما يستجابش منى
لان انا اعصيه
+طيب اسمع
ده معنى حديث قدسى
ان موسى سأل الله كيف يجيب الدعاء
للعبد الصالح والعاصى
قال الله
العبد الصالح عندما يدعو اقول له لبيك عبدى
بينما العاصى اذا دعانى اقول له
لبيك عبدى
لبيك عبدى
لبيك عبدى
فتعجب موسى
قال له الله
اذا دعانى الصالح اعتمد على عمله ورحمتى
ولكن العاصى
فقط يعتمد على رحمتى فقط

علشان كده روح لربنا واعتمد على رحمته
وبس
وادعيه بأى طريقه بالعاميه
وادعى لكل الناس ان ربنا يهديهم
وبرضه ماتنسانيش من دعائك وربنا يهدينا
وسلام
=ربنا يكرمك ويغيرك ويغير بيك
+آمين
=السلام عليكم
+وعليكم السلام









همسة خارج الحلقة ..

و قآال ربكمـْ
" أدعونى أستجب لكمـْ "
ملحوظة هآامة ..
متى يغلق بآاب الدعآاء ..؟
اذآا قآال العبد دعوت فلم يستجب لى
يآافلآان .. أدعوآا ربنآا ....
يقول لقد تعبت من كثرة الدعآاء
هنآا يغلق الله بآاب الدعآاء
لأن الله يحب العبد اللحوح
اذآا كنت فى كرب
أدعى ربنآا يفرج كربكـ
اذآا كنت مريض
أدعى ربنآا يشفيكـْ و يحفظكـ من كل سوء
و تذكر دآائمآا
ان الله يحب العبد اللحوح
يعنى
اللى بيدعى كتير و دآايمآا يقول
يآاآارب
\

قطوف
08-25-2009, 03:44 PM
الحلقة الثانية عشرة

http://up5.q8lots.net/uploads/images/q8lots-4054543115.jpg (http://up5.q8lots.net/uploads/images/q8lots-4054543115.jpg)

+السلام عليكم
=وعليكم السلام
+عملت ايه امبارح
=قعدت ولحد دلوقتى ادعى بخشوع
+والنهارده حلقه مهمه جدا
علشان تعوض اللى فاتك
=ازاى
+انت مش بتقول انك تركت كام صلاه
=اه
+طيب ليك فرصه انك تعوضهم
=انت بتتكلم جد
+طبعا
=طب ازاى
+حبيبك النبى قال ان النافله فى رمضان بمثابه فريضه فى رمضان
=اه
+طيب يعنى تقول سبحان الله او اى ذكر
وكأنك اديت فريضه
او حتى لو انت ماشى فى الشارع لقيت طوبة
ومش هقول لك وطى شيلها
ولكن شوطها
برجلك
على جنب
او حتى تصلى سنه كل صلاه
وخلى بالك السنه
2قبل الفجر
4قبل و4بعد الظهر و
بيهم تحرم جسدك على النار لو فاكر اننا قلناها
والعصر ما لهوش
والمغرب 2 بعده
والعشاء 2بعده
و1وتر
بس
او
تنفذ اوامر والدك
او والدتك
او تساعد واحد
او تتنازل عن حقك لشخص محتاجه
اوتسأل على قرايبك
او او

حاجات كتيييييييير جدا
= انا من دلوقتى
هشتغل وهعمل خير
يلا السلام عليكم دلوقتى علشان الحق اعمل حاجه
+وعليكم السلام

قطوف
08-25-2009, 03:46 PM
الحلقة الثالثة عشر


http://up5.q8lots.net/uploads/images/q8lots-635e48294d.jpg (http://up5.q8lots.net/uploads/images/q8lots-635e48294d.jpg)

+السلام عليكم ورحمه الله وبركاته

=وعليكم السلام ورحمه الله وبركاته

والله واحشنى بقالك فترة مش ظاهر


والله انت اكتر ومشاغل

المهم انت عامل ايه مع حبيبك


الحمد لله

وربنا يرضى عننا كلنا


آمين


المهم انت حضرت لنا ايه بعد الفترة دى

حضرت لك جزء تانى من الحملة

وبرضه مصممين

هنتغير بجد

والجزء التانى بعنوان


(هنقرب من الغفار وهنبعد عن النار )

...؟؟
امال ايه هنتغير بجد

هنتغير بجد اسم حملتنا

و

(هنقرب من الغفار وهنبعد عن النار )

اسم الجزء
وهيكون شعارنا

يعنى فى امل اننا نتغير بجد


طبعا وربنا يعينا
ويوفقنا


آمين
طب وهنتكلم عن ايه فى الجزء ده


هنتكلم عن بعض الطرق البسيطه
والسهله اللى تقربنا من ربنا وتبعدنا عن النار


طبب ممكن اعرف العناوين

لا طبعا هتبقى مفاجأه

علشان خاطرى

ماشى

هنتكلم عن بعض مشاكلنا
وازاى نحلها سوا وازاى

نبقى مسلمين صح


شكلها هبقى حاجات جامده

جدا

ان شاء الرحمن

طب وحلقتنا النهارده عن ايه ؟

طب نبدأ الاول فى الحلقه

اوف.. ده انا كنت ناسى خالص

_مونتاج_
3
2
1



اكشن


السلام عليكم ورحمة الله وبركاته

مرحبا بكم فى الجزء الثانى

ومرحبا بك حبيبى

وعليكم السلام ومرحبا بك اخى

ندعوا الله ان يوفقنا فى التغيير

'حتى نكون قدوه لا عبره
ويجعلنا سبب فى تقدم امتنا

وضمان جنتنا

وان يجنبنا النار

آمين


حلقتنا النهارده غريبه شويه

عنوانها ايه ؟

عنوانها

" تبيع ؟ "

...؟


انت عارف ان العنوان غريب

بس ان شاء الله كلنا هنفهم معنى الحلقه

هنبدا بقصة خفيفة

وياريت تعيش وتحط نفسك

مكان صاحبنا

ماشى

انا جبت هديه لصاحبنا

وكانت الهديه كبيره

وقلت له خلى بالك

انت لازم تبعها

سواء كسبت او خسرت

'لان الازاله هتيجى تاخد
منك لهدية دى ومش هتقدر تكملها

وصاحبنا هيعمل حاجه من الاتنين

اى واحد مكانه لازم يعمل واحده منهم
الاولى :انه يجتهد فى بيع الهديه دى

ويمنع نفسه عن اى متع

زى انه يقعد تحت شمسيه

او يقعد على كرسى

او يشرب شاى حتى

المهم انه يبيع السلعه دى قبل ما الازاله

تيجى ويكسب منها برضه

وبعد كده هيرتاح ويروق نفسه

ويعمل كل اللى عاوزه

او
التانى :هيحط السلعه قدامه

ويقعد هو تحت شمسيه وفى ايده كوباي
الشاى وبيقزقز لب

ومروق نفسه

والسلعه فى الشارع

كل شويه واحد ياخد حته من السلعه ويجرى
وهو ولا هنا وبعد شويه الازاله اخدت الباقى ومشت وهو ولا كسب دلوقتى ولا بعد كده
حتى ما كملش كوبايه الشاى ولا كسب اى فلوس

انتهى

لو انت مكان صاحبنا
هتختار اى واحد

الاول ولا التانى

طبعا الاول


بس ايه لازمه كل ده
اقولك

ربك قال

ان الله اشترى من المؤمنين
اموالهم وانفسهم

بأن لهم الجنه
عارف ليه ربنا ذكر المال والنفس
ولم يذكر مثلا

الوالدين او الابناء


ليه

لان المال والنفس هم الاحب للانسان

وممكن يكون واحد مخنوق من ابوه

او عياله مطلعين عينيه

صح

المهم نخلينا فى الواقع

ده مثل مهم ولله المثل الاعلى

ربنا اعطى لك سلعه

وهى روحك

وقال لك لو تبيع نفسك هيعطى لك بدلها
الجنه

وما اغلها سلعه

والازاله هى الموت

سؤالنا
هو

تبيع ؟

انت فاجئتنى



طب نوضح اكتر

تبيع نفسك كلها لربك و
تكسب من وراها
الجنة
ولا تخلى كل واحد معدى يخطف

ويطلع يجرى

...امممممم

طب رد عليا الحلقه الجايه

ماشى

يلا

السلام عليكم

وعليكم السلام

قطوف
08-25-2009, 03:48 PM
الحلقة الرابعة عشر

http://up5.q8lots.net/uploads/images/q8lots-e453c7da84.jpg (http://up5.q8lots.net/uploads/images/q8lots-e453c7da84.jpg)


السلام عليكم ورحمه الله وبركاته

انا مش عارف اتغير

طب اعمل ايه

نفسي اتقرب اكتر من ربنا




صدقنى....صدقينى الموضوع مش صعب

هتقرب.هتقربى

ناس كتير اتقربت من ربنا اكتر الحمد لله ربنا يثبتهم


بتحب ربنا..

اكيد بتحبو

نفسك تخشع فى صلاتك؟؟

نفسك ربنا يرضى عنك نفسك تخش الجنه

ليك قلب

اه ليك

ينفع تخليه مع ربنا بس

اكيد هتعرف قلوبنا تغيرت من المعاصى .بعدت عن ربنا

عليها تراب

لازم نشيل

التراب دا بيظهر في اننا مش عارفين نتغير

نفسي اتغير . كل ما اتتغير ارجع


عاوزه اسيب المكياج مش عارفه عاوزه البس طويل مش عارفه عاوزه اسيب الواد ال بحبو مش عارفه

عاوز اسيب البنت ال بحبها مش عارف عاوزه اروح الجامع.



عاوز صحابي يبقى احسن


مش عارف
عاوز اسيب الاغانى . مش عارف
عاوز.........عا وز.......عاوز عارفين ليه عاوزين


ومش عارف علشان المعاصى طبعت على قلوبنا كميه

تعالو نفكر مع بعض ممكن نعمل ايه ..


نعمل ايه؟؟؟؟؟
اولا حاسب نفسك شوف بتعمل ايه غلط


متقولش مبعملش

كلنا بنخطأ محدش فينا كبير على المعصيه اهم حاجه اننا نبدأ بالدعاء'

قال تعالى ان الله لا يغير ما بقوم حتى يغيرو ما بإنفسهم

حاول تبعد عن........


حاولى تبعدى عن.........


عن اكتر حاجه معلقين بها قلوبكم وبتحبوها شوف حد كويس تبدأ معاه ولو مش لقى ابدأ انت


ابدأى انتى واكيد هتلاقى حد يساعدك بس قبل كل دا حاول مع نفسك لاول جاهد نفسك

شوف حد يكون ملتزم وكون معاه مش عيب روح قولو ساعدنى ساعدنى نفسي اوصلو نفسى اقرب من

ومش عيب روحى قولى لاختك ساعدينى ساعدنى عاوز جنه عاوز قبري يكون منور ومعايا فيه ونيس

ساااااااااعدنى. ............ ساااااااااااااا ااااعدينى
ادعى من قلبك


صدقنى مش هيسيبك

ربنا بنا رؤف رحيم كريييييم اوى




لو تعرف حد ملتزم

لو تعرفى اخت ملتزمه



امسك فيها


امسكى فيها


اه ايوه خليكى معاها


خليك معاه لزقه


اه لزقه
ايه المشكله مش عاوز تتغير

عاوز تبقى كويس يبقى الصحبه الصالحه ان شاء الله هتشدك




مش عاوز يرضى عنك


مش عاوز تتغير


عاوز الجنه ........ عاوزه

قولى ساعدنى خد باايدى

قطوف
08-25-2009, 03:51 PM
من الآخر كدة ... بتعمل أي حاجة و نفسك تبطلها ؟؟

طيب ما تبطلها !!!! ايه المانع ؟؟؟مش قادرمش قادر مش قادر مش عارف أبطل خالص كل ما أبطل

أرجع تاني أقول مش هعمل كذا ... و أرجع أعمله أقول مش هفكر في كذا و أرجع أفكر فيه و "الشوق ياخدني "

إيه الحل ؟؟النهاردة إن شاء الله سنتناقش -كأسرة مع بعضينا - في كيفية الإقلاع عن العادات .....

السيئة طبعا

و لا انتوا عاوزين تقلعوا عن العادات الحسنة كمان ؟؟

بصوا .. أن هقول اللي عندي , و طبعا مستني إضافاتكم و إسهاماتكم في الموضوع , اللي بجد

الموضوع مش هيكمل إلا بيها ,

لأن موضوع الإقلاع ده -و الهبوط - بيتطلب خبرة و تجربه أكثر منه نظريات و خلافه ...

"اتفجنا" http://forums.myegy.com/images/smilies/biggrin.gif؟؟وجب يا معلميhttp://forums.myegy.com/images/smilies/biggrin.gif بسم الله أول حاجة طبعا في أي حاجة هي الأعمال الروحية , و اللي

معظم الناس بتطنشها... أنا هتكلم فيها بسرعة , و لو مش عاوزها ... انت و رغبتك ,

عديها , و اعمل scroll down لحد ما تعديها ..

أول حاجة طبعا .... الدعاء : ببساطة جدا ربنا بيقول (ادعوني أستجب لكم) , عاوز حاجة اطلبها من

ربنا وهو يحققها لك , شفتم البساطة ؟؟

أي حاجة , طبعا مش هنفصّل و نقول انه سلاح المؤمن و نشرح أهمية الدعاء و مكانته .. أنا هضيف

أحاديث بس بدون تعليق علشان التطويل ,,,

قال رسول الله صلى الله عليه و سلم :

"ادعوا الله وأنتم موقنون بالإجابة، واعلموا أن الله لا يقبل دعاء من قلب غافل لاهٍ " خلي بالك

من "وأنتم موقنون بالإجابة" دي ,

و برضه من "لا يقبل دعاء من قلب غافل لاه" اعملهم الاتنين مع بعض علشان تلاقي النتيجة .

" يستجاب لاحدكم ما لم يعجل يقول دعوت فلم يستجب لي" ما تستعجلش , المهم تواظب على

الدعاء حتى لو مش لاقي النتيجة دلوقتي .

" ما على الأرض مسلم يدعو الله بدعوة إلا آتاه الله إياها

أو صرف عنه من السوء مثلها ما لم يدع بإثم أو قطيعة رحم"

و ممكن تكون النتيجة جت بس في صورة أخرى انت مش واخد بالك منها "أو صرف عنه من السوء مثلها" !!!
...
...
...

تاني حاجة بقى انت تستفيد من اللي انت فيه

يعني تحتسب على الله المشقة اللي انت فيها و انت بتحاول تقلع عن الحاجة دي ,


قال رسول الله : "ما يصيب المسلم من نصب و لا وصب و لا هم و لا حزن و لا أذى و لا غم حتى

الشوكة يشاكها إلا كفر الله بها من خطاياه" , و أظنما فيش هم و لا غم و لا تعب و نصب أكثر من اللي

بيحاول يجاهد نفسه و شيطانه و شهوته و أفكاره الغلط ... و لا فيه

?

من الآخر كدة ... بتعمل أي حاجة و نفسك تبطلها ؟؟

طيب ما تبطلها !!!! ايه المانع ؟؟؟مش قادرمش قادر مش قادر مش عارف أبطل خالص كل ما أبطل

أرجع تاني أقول مش هعمل كذا ... و أرجع أعمله أقول مش هفكر في كذا و أرجع أفكر فيه و "الشوق ياخدني "

إيه الحل ؟؟النهاردة إن شاء الله سنتناقش -كأسرة مع بعضينا - في كيفية الإقلاع عن العادات .....

السيئة طبعا

و لا انتوا عاوزين تقلعوا عن العادات الحسنة كمان ؟؟

بصوا .. أن هقول اللي عندي , و طبعا مستني إضافاتكم و إسهاماتكم في الموضوع , اللي بجد

الموضوع مش هيكمل إلا بيها ,

لأن موضوع الإقلاع ده -و الهبوط - بيتطلب خبرة و تجربه أكثر منه نظريات و خلافه ...

"اتفجنا" http://forums.myegy.com/images/smilies/biggrin.gif؟؟وجب يا معلميhttp://forums.myegy.com/images/smilies/biggrin.gif بسم الله أول حاجة طبعا في أي حاجة هي الأعمال الروحية , و اللي

معظم الناس بتطنشها... أنا هتكلم فيها بسرعة , و لو مش عاوزها ... انت و رغبتك ,

عديها , و اعمل scroll down لحد ما تعديها ..

أول حاجة طبعا .... الدعاء : ببساطة جدا ربنا بيقول (ادعوني أستجب لكم) , عاوز حاجة اطلبها من

ربنا وهو يحققها لك , شفتم البساطة ؟؟

أي حاجة , طبعا مش هنفصّل و نقول انه سلاح المؤمن و نشرح أهمية الدعاء و مكانته .. أنا هضيف

أحاديث بس بدون تعليق علشان التطويل ,,,

قال رسول الله صلى الله عليه و سلم :

"ادعوا الله وأنتم موقنون بالإجابة، واعلموا أن الله لا يقبل دعاء من قلب غافل لاهٍ " خلي بالك

من "وأنتم موقنون بالإجابة" دي ,

و برضه من "لا يقبل دعاء من قلب غافل لاه" اعملهم الاتنين مع بعض علشان تلاقي النتيجة .

" يستجاب لاحدكم ما لم يعجل يقول دعوت فلم يستجب لي" ما تستعجلش , المهم تواظب على

الدعاء حتى لو مش لاقي النتيجة دلوقتي .

" ما على الأرض مسلم يدعو الله بدعوة إلا آتاه الله إياها

أو صرف عنه من السوء مثلها ما لم يدع بإثم أو قطيعة رحم"

و ممكن تكون النتيجة جت بس في صورة أخرى انت مش واخد بالك منها "أو صرف عنه من السوء مثلها" !!!
...
...
...

تاني حاجة بقى انت تستفيد من اللي انت فيه

يعني تحتسب على الله المشقة اللي انت فيها و انت بتحاول تقلع عن الحاجة دي ,


قال رسول الله : "ما يصيب المسلم من نصب و لا وصب و لا هم و لا حزن و لا أذى و لا غم حتى

الشوكة يشاكها إلا كفر الله بها من خطاياه" , و أظنما فيش هم و لا غم و لا تعب و نصب أكثر من اللي

بيحاول يجاهد نفسه و شيطانه و شهوته و أفكاره الغلط ... و لا فيه

?
http://i39.tinypic.com/2jbtq8k.jpg