المساعد الشخصي الرقمي

مشاهدة النسخة كاملة : جوجل تحتفل بذكرى الادبية سهير القلماوي ال 103 , احتفالات جوجل


FAHAWA
07-20-2014, 12:58 AM
جوجل , تحتفل , بذكرى , الادبية , سهير القلماوي , الـ 103 , احتفالات , جوجل , google , لخخلمث , مصريه , كانت , اول , شهادة , الدكتوراه , الهيئه , الشياطين , تلهو , احاديث , الطالبه , الوحيده , معرض , الكتاب ,



http://www.wlh-wlh.com/vb/storeimg/img_1405807012_661.jpg


سهير القلماوى ( طنطا ، 20 يوليه 1911 – القاهره ، 4 مايو 1997 ) ، باحثه و كاتبه و ناقده ادبيه مصريه كبيره و رائده من رائدات حقوق النسا فى مصر. كانت أول مصريه ، مع أمينه السعيد و عائشه راتب ، تلتحق بالجامعه فى مصر سنة 1939 ، و كانت اول مصريه تاخد شهادة الدكتوراه فى الاداب.
اتولدت فى طنطا فى سنة 1911 لأب كردى ، و دخلت مدرسة ” كلية البنات الامريكيه ” ، و بعد ما اخدت شهادة البكالوريا دخلت كلية الاداب فى جامعة الملك فؤاد ( جامعة القاهره دلوقتى ) وقت ما كان طه حسين عميدها ، و التحقت بقسم اللغه العربيه اللى كان بيرأسه طه حسين و اللى اهتم بيها بوصفها كانت الطالبه الوحيده بين اربعتاشر طالب. و لما وصلت لسنة تالته ابتدت تكتب فى المجلات و الجرانيل و نشرت مقالات و قصايد شعريه فى مجلات زى ” الرساله ” و ” الثقافه ” و ” ابوللو ” بإسم ” الانسه سهير ” .
خلصت دراستها و اخدت الليسانس سنة 1936 ، و بعدين اخدت شهادة الماجستير سنة 1937 و كان موضوع رسالتها ” أدب الخوارج فى العصر الأموى ” ، و بكده كانت أول مصريه تاخد الشهاده دى فى الاداب ، و بعد كده سافرت فرنسا عشان تكمل دراستها العليا و اخدت الدكتوراه من جامعة السوربون فى باريس سنة 1941 عن بحث قيم عملته عن ” الف ليله و ليله “. كانت أول مصريه تاخد كرسى استاذيه فى الجامعه المصريه ( 1956 ) ، و اتولت رئاسة قسم اللغه العربيه فى جامعة القاهره.
فى سنة 1959 دخلت مجلس الامه المصرى ، و أشرفت على ” هيئة الكتاب ” و نظمت اول معرض دولى للكتاب فى القاهره سنة 1961. و فى سنة 1979 بقت عضوه فى البرلمان المصرى ( مجلس الشعب ). كرمتها الدوله المصريه بجايزتها التقديريه.
أحاديث جدتي 1935. الطبعة الحديثة بالهيئة المصرية العامة للكتاب2010
ألف ليلة وليلة 1943. والطبعتان الحديثتان الأولى بالهيئة المصرية العامة للكتاب2010 ،والثانية بالهيئة العامة لقصور الثقافة2010ضمن سلسلة ذاكرة الكتابة.
أدب الخوارج 1945. والطبعة الحديثة بالهيئة المصرية العامة للكتاب2010
في النقد الأدبي 1955.
الشياطين تلهو 1964.
ثم غربت الشمس 1965.
المحاكاة في الأدب 1955.
العالم بين دفتي كتاب 1985.والطبعة الحديثة بالهيئة المصرية العامة للكتاب2010
ذكرى طه حسين 1974.وصدر عن دار المعارف ضمن سلسلة (اقرأ)عدد رقم(388).
ترجمت العديد من الكتب والقصص منها: قصص صينية لبيرل بك، عزيزتي اللويتا، رسالة أبون لأفلاطون، وأيضاً عشر مسرحيات لشكسبير وأكثر من 20 كتاباً في مشروع الألف كتاب. ومن أبحاثها: المرأة عند الطهطاوي، أزمة الشعر.
علاوة على ما سبق كان لها السبق الأول في إنشاء مكتبة في صالة مسرح الأزبكية لبيع الكتب بنصف ثمنها، وأيضا كانت الأولى في تقديم دراسة عن الأدب المصري المعاصر إلى التعليم الجامعي. كما أعطت الفرصة لأكثر من 60 أديباً لتقديم مؤلفاتهم عندما قامت بإصدار سلاسل أدبية سُميت “مؤلفات جديدة”، ومن ناحية أخرى وضعت أسساً للطرق الأكاديمية في تحليل الأدب والفن.

ايمان
07-20-2014, 03:27 AM
تسلم الأيادي ياعسل

طراح راقاا لي كثيراً

ودي لكِ..

FAHAWA
07-22-2014, 10:50 PM
منورتني ايمان :$

لوجين
12-07-2015, 10:03 PM
يعطيكي العافية عالطرح