المساعد الشخصي الرقمي

مشاهدة النسخة كاملة : ؛؛ابيها بنت مختلفه؛؛


رمز السلام
09-22-2007, 04:12 PM
قصيده قمة في الروعه..حبيت تشاركوني فيهاا..



ابيها بنت مختلفه ابيها غـــير كل النــــــاس

...........وابي كل البشر خلفه تلاحقها وتناظــــــــرها

ابيها عقد من فضه وابيها عقد من الماس

...........وابي غالي الذهب يبرق يحلي كل اساورهـــا

ابيها وسم في صدري وابيها رسم عالكراس

.........وابي تكتب حروف اسمي بصفحه من دفاتـــرها

ابيها وقت فعل الشر تكون لعقلي الوسواس

............وابيها وقت فعل الخير هي اللي بس اشاورها

ابيها تضمني بالحيل وعلى صدري تحط الراس

............وابيها وسط ذاك الليل نجومي اللي اسامرهــا

ابيها صوت يطربني يذكرني بصدى الاجراس

...........وابيها كل لحظاتي .. من اولها لاخرهــــــــــــا

ابيها اطهر العالم بعمره ما وطا الادنــــــاس

..........وابي تقهر جميع الناس ولابه شي يقهرهــــــــا

ابيها دوم مبسوطه ابيها ماتشوف البــــــاس

..........ابيها تكون لي ورده تعطرني واعطرهــــــــــا

ابي تسكن وسط روحي ابيها اقرب من الانفاس

.........وابي من غير ماتامر انفذ كل اوامرهـــــــــــــا

ابيها قصر في قلبي ابي ضلوعي تكون الساس

...........وابي تفرش قصر حبي بلحظه من مشـــاعرها

ابيها تكون خاطرتي ابيها تكون لي احســـــاس

.........وابي انا الوحيد اللي تحبه في خواطـــــــــــرها

ابيها تموت في نزفي .. تحبه حب بدون قيـــاس

............وابي لامن قرت شعري تضيع بحب شاعــرها

مزيونة
11-07-2007, 01:43 AM
يعطيك العافية على نقل هالكلمات الرائعة

esmaelovic
11-07-2007, 11:32 PM
الف شكر لك يا رمز السلام

رمز السلام
11-08-2007, 02:38 PM
شكرا لكم على المرور وترك بصماتكم على مواضيعي

لوجين
07-15-2016, 02:35 PM
لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز