المساعد الشخصي الرقمي

مشاهدة النسخة كاملة : انوااااااع الحـــــب في قصيدة !!


رمز السلام
09-22-2007, 02:30 PM
حبٍ يشيّب صاحبه ما بَعَدْ شاب *** وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب *** وحبٍ يدوم وصاحبه في غيابه

وحب يذوّب خافقٍ ما بعد ذاب *** وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب *** وحبٍ يزيدك رغبةٍ في الكتابه

وحبٍ حياته كلّها لوم وِعْتاب *** وحبٍ حقيقي ما يضرّك عتابه

وحبٍ بلا معنى وحبٍ بلا اسباب *** يبدا غريب وينتهي في غرابه

وحبٍ ضعيفٍ مثل حبرٍ على كْتاب *** تمحيه دمعه في ثواني كآبه

وحبٍ قويٍ مثل قصرٍ له ابواب *** لو هبّ عاتيْ الريح ما اهتز بابه

وحبٍ بداية رحلته نظرة اعجاب *** واخر مطافه مثل يومٍ بدا به

وحبٍ يعيش بداخل قْلوب الاحباب *** وحبٍ يشيع وكل حَيٍ درى به

وحبٍ مقامه في ضلوع الصَدِر طاب *** وحبٍ يعدّي مثل مرّ السحابه

وحبٍ على قبره نعق بوم وغْراب *** وحبٍ تغنّى به لحون الربابه

وحبٍ بمقدارٍ وحبٍ بلا حْساب *** وحبٍ بمعروفٍ وحبٍ نهابه

وحبٍ يعيش أهله وسط داره اغراب *** ويموت قهر ويندفن في ترابه

وحبٍ غدا سرّه سوالف للاجناب *** وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب *** وحبٍ يشيب صاحبه في شبابه

لوجين
07-15-2016, 03:54 PM
لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز