المساعد الشخصي الرقمي

مشاهدة النسخة كاملة : اولاد الشوارع


رمز السلام
09-22-2007, 01:46 PM
نلف نلف ومهما ندور
ما نلاقى مكان يجمعنا كالدور
ويضيع منا العمر ونكبر
واحنا لسة فى الشوارع تايهين
لكن نحكى لمين ونعاتب مين
ما هو مينفعش اصل احنا اولاد الشوارع
مهما قولنا ومهما عدنا محدش هيحس بقلوبنا
ولا حد هيحس بجوعنا لان احنا اولاد الشوارع
كتير من الناس عارفين ان احنا واللة مظلومين
وخايفين وتايهين وجعانين ومحتارين
ويا ريت حد يحس بينا
ويحس باوجاعنا فى قلوبنا
احنا واللة عارفين ان بعضنا وحشين
لكن واللة معظمنا طيبين
فساعدونا وارحمونا من اوجاعنا ومخاوفنا
بس احنا مش محتاجين غير الحنية ونكون امنين
ويعدى العمر ونعيش مع بعض
من غير شوارع من غير برد
ونكون اسر ونصبح بشر
من غير مخاوف من الحجر
ونعيش مع باقى الناس
واحنا مرفوعين الراس
ونبقى كمان متعلمين
ونكبر ونكون متخرجين
ونعلى بلادنا من كل جوارحنا
بس للاسف مينفعش اصل احنا اولاد الشوارع
ولكن دايما هيفضل الامل بقلوبنا
ودايما الامل موجود لصحوة البشر والانسانية
منتظرنكم ايها الناس
لتساعدونا على الخلاص

النولي
07-31-2008, 10:24 PM
اللهم ارحم حالهم وسخر لهم القلوب الرحيمه لجعلهم لبنه صالحه في المجتمع

كل الشكر اخي الرمز