المساعد الشخصي الرقمي

مشاهدة النسخة كاملة : ماضيك


برهوم
09-10-2008, 04:00 PM
راسك علامك ترفعه يوم احاكيك
الظاهر إني فوق قدرك عطيتك
لحظه...نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز انهيارك خذيتك
وأرخصت عمري لجل احبك واداريك
هدمت قصر الذل فيك وبنيتك
كان الغلا شمعه تنور لياليك
ولو اظلمت دنياك جيت وضويتك
يالاسف كنت امدحك وافتخر فيك
رفعت من شانك وعليت صيتك
كنت انت.! عندي غير ومقدر اخليك
واموت واحيا إن قلت سم وفديتك
واليوم اشوفك خنت حتي مباديك
صغرت في عيني وانا اللي هويتك
الضيف لو انه عدو معاديك
غصب عنك تقدره وسط بيتك
ياصاحبي بتموت ماني براجيك
واشره علي ان كان حتى طريتك
لا صار ذل النفس في قلب يغليك
يلعنك ياقلبن عشقك وشريتك
اضحك حبيبي دام وقتك مسليك
باكر تموت من القهر لا نسيتك

الليل
09-11-2008, 12:43 AM
صح لسان الشاعر ثامر شبيب وصح ذوقك ولاهنت اخوي برهوم
قصيدة فيها من القووووه و الشموخ والعزه الشئ الكثير
ابدعت وامتعت بحسن الاختيااار الرااااااقي
بأنتظااار جديدك القادم بإذن الله
تقبل فاااائق احترامي

برهوم
09-11-2008, 07:13 AM
تسلملي حبيبي الليل


منور صفحتي


برهوم

غيمة مطر
09-14-2008, 02:41 AM
كان الغلا شمعه تنور لياليك
ولو اظلمت دنياك جيت وضويتك

تسلم على النقل الرائع

الف شكر لك

برهوم
09-14-2008, 03:18 AM
يكفيني تنويرك لصفحتي



تقبلي تحياتي


برهوم

oO ساحر البسمه Oo
09-14-2008, 03:33 AM
مشكور على النقل

مزيونة
09-15-2008, 07:31 AM
تسلم على النقل الحلو