المساعد الشخصي الرقمي

مشاهدة النسخة كاملة : حاال الشباب بل اشااره لايفوتكم ؟؟هههههه


ملكة الاحساس
09-09-2008, 12:57 AM
أغلبية الشباب لهم طريقتهم الخاصة في شغل أوقات فراغهم..لما يكونون واقفين عند الإشارة ...
**********
النــوع الأول :
وهو اللي يستغل وقته ويرتب سيارته..
و يعـفط فالفواتير ويرميها في الشارع ..
و فجأة ما تدري إلا وهو ناقز في المرتبة اللي ورى يرتبها..
ولا تستغرب..
إذا شفته قافز في شنطة السيارة
( الرجال مرتب )
وتنفتح الإشارة والرجال مشغول في الترتيب..



النــوع الثاني :
وهو اللي تقول توه يكتشف إن وجهه محتاج تنظيف..
ويسحب في المنديل وعلى خشمه >>> (( لا تعليق ))
وإذا خلص طفا السيارة عشان ينظف أذنه بالمفتاح ...
وشوي ويقص أظافر يده..
وما تدري إلا وهو رافع رجله يقصها..
هذا إذا كان معه قصاص أظافر..
وإذا ما كان موجود فالحل موجود طبعاً ..
* يقص أظافره بواسطة سنونه *
(( قمة النظـافة ))



النــوع الثالث :
وهو أكثر واحد يفرح إذا وقف عند الإشارة ..
علشان يبدأ يستعرض ويرقص ويردح..
هو وأخوياه ويرقصون بالسيارة ..



النــوع الرابع :
وهو اللي تحلف بالله أنه ما نام له أسبوع خام الدركسون ..
والبوري شغال عالآخر ..
طبعاً هذا ما يحرك إلا إذا جاه و احد وقومه..



النــوع الخامس :
وهو اللي تقول توه يكتشف انه أبـــــو ..
وما تسمع غير هواشه وتلعينه على عياله..
اللي مالين السيارة..
وما تدري إلا هو ساحب العقال ومخرب الشخصية..
(( يستعمل أساليب التربية الحديثة ))
وما تشوف إلا كرتون المناديل اللي مالي السيارة ..
و الفضل يعود لمحطات البنزين ..
اللي كل ما تمر من عندهم عطوك منديل هدية >>> ..الكرم



النــوع السادس :
وهو اللي يستغل الوقت ويجلس يشخص ويرش عطر..
لاوشوي يحط روج بعد ومعلق السماعة في أذنه..
ومشغل شريط مسوي جو أجنبي ..
هذا إذا هو فاهم كلمة وحدة انجليزية ..



النــوع السابع :
وهو اللي إذا شفته ترحمه وتقول ميت من الجوع..
وتشك انه جالس بمطعم موب سيارة ..
الرجال ماسك البرغر بيد والبيبسي والبطاطس بيد ..
و الشاورما بحضنه .. والفطايرجنبه .. والبيتزا في المرتبة اللي وراه ..
ولا تستغرب إذا شفته قاعد على..
مفطـــــــــــح
يا كثرهم و يا كثر ما تشوفهم..



النــوع الثامن :
وهو اللي تحس انه ما عنده وقت أبد .. و دايم بزي ولابس نظاره وخاتم..
ومبحلق فالجرايد مسوي زحمه في الشارع..
واللي جنبه طفشان ومشتغل مسجات بالجوال ..



النــوع التاسع :
وهو اللي سيارته زحمه موب زحمة ناس .. لا مخلي لا ثوب ولا شماغ..
ولا بدله ولا جزمه حتى الشراب إلا ومركبها معه ..؟؟
عشان يكون تبديل الملابس أسرع ..
عند الإشـــــــــــــارة ..
حتى البطانية جايبها وماخذها معاه تعرفون الجو متقلب ..



النــوع العاشر :
وهو إذا كان سواق طبعاً..
طبعاً الضعيف ماسك الطارة ومتعلق في الدركسون و الإبداع يكون وراه ..
عند المدام و أخواتها..
وهاك أنواع السواليف والحش..
و إذا كانوا توهم رادين من السوق كل وحدة تطلع مقاضيها ..
وتوريهم وشوي إلا هي متحمسة وصاقعه السواق برجلها..
الأخت معذورة جالسه تقيس الجزمة الجديدة..



النــوع الحادي عشر :
اللي أصلاً ما يوقف عند
الإشــــــــــــــارة..
هذولا المهجولين اللي ما يعترفون بالإشارات (( على قولتهم مشترينها ))
عيال نعمه ماخلوا إشارة ما اشتروها ..


***********

سعدون
09-09-2008, 02:15 AM
هههههههههههههههههههههههههههههههههههههههههههههههه

اول شي تسلمين على الموضوع

وثاني شي احنا عارفين ان هذا كله عشان مااحد سامحلكن بقيادة السياره

ومايجي اليوم اللي ملكة الأحساس تقف بسيارتها عند الأشاره .. يعني انسي مره

ولو انا اقول لو سمحو بقيادة السياره .. انزلي للصوره وتعرفي كيف سيكون الوضع عند الأشاره

7



7

http://wlhwlh.com/up-file/uploads/thumbs/wlhwlh.com-191e969eea.gif (http://wlhwlh.com/up-file/uploads/images/wlhwlh.com-191e969eea.gif)

مزيونة
09-09-2008, 07:34 PM
تسلمين ملوكة
حلو تعليق سعدون بس ان شاء الله بتسوق السيارة لان لها حق حالها حال الرجال

سعدون
09-09-2008, 08:31 PM
انسي يامزيونه انتي وملكة . ماعندنا حريم يسوقن . ولو يسمحون بتكون مغطاه يعني محتشمه بدون نوافذ حتى الزجاج الأمامي مغطى

كذا


7


7


http://wlhwlh.com/up-file/uploads/thumbs/wlhwlh.com-152c5b351d.jpg (http://wlhwlh.com/up-file/uploads/images/wlhwlh.com-152c5b351d.jpg)

ملكة الاحساس
09-09-2008, 10:49 PM
خخخخخخخخخخخ

لا لاتخااف احنا نعلمكم السوواقه ....

ويووم انا مااسووق رح تلاقي شباب المدينه كلهم يشتغلو بل محطااات <<

سعدون
09-19-2008, 06:11 AM
حتى لو تسوقون

تعالي شوفي النتيجه

7

7


7

http://wlhwlh.com/up-file/uploads/thumbs/wlhwlh.com-6a8183ab0c.jpg (http://wlhwlh.com/up-file/uploads/images/wlhwlh.com-6a8183ab0c.jpg)

اهم ماعند المرأه كشتًها وتسريحتها

مزيونة
09-19-2008, 06:23 AM
سعدون بتسوق ان شاء الله
حلوة السيارة المغطاة عشان نسوق على راحتنا

شذى الروح
09-23-2008, 06:21 AM
هههههههههههههه..

يعطيك العافيه على الموضوووع ..

دمتِ...

SILANT**LOVE
09-30-2008, 02:57 AM
يسلموا


انا ابغى ىاشوف اذا الحريم ساقو وشلون يشغلون اوقات فراغهم عند الاشاره