المساعد الشخصي الرقمي

مشاهدة النسخة كاملة : شفتها يا سعود صدفه بعد ما غابت سنين


رمز السلام
09-22-2007, 01:32 PM
قصيده لشاعر مجهول

وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!

شفتها يا سعود صدفه بعد ما غابت سنين
عند قسم المختبـر وسط مشفى الجامعـه

جيتها ثم قلت ممكن في سؤالي تسمحين
ناظـرت فينـي بدهشه نظره متواضعه

قالت انته تـحسبني من بنات صايعين
تـحسبني في زماني عن طريقي ضايعـه

قلت انا ماراح اطـول كلبوها كلمتين
وابعـدت عني شويه ثم جتنـي راجعـه

قالت اسال واضح انك من رجال طيبين
بس هرجك يالسنـافي كان وشهو دافعـه

قلت انا حبيت وحده يـوم كنا صغيرين
ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين
ساهر في طول ليلي لين شـمسي طالعـه

اذكر انه فيه حبه فـوق ثغـره من يمين
واذكر انه لاجـرينا كـن شعـره تابعـه

واذكر انـه عاشـق الورد والياسمين
وصار قلبي بالورود اللي عشقها زارعـه

طابعا اسمه بقلبي فيه (سين) وفيه (عين)
وفيه (الف) وفيه (دال) وسط قلبي طابعه

قاطعتنـي بقولها سبحـان رب العالمين
كـررتـها مـره .. ومرتين .. ورابعه

قلت وشفيك وشبـلاك يابنيه ترجفين
ليش عينك يابنيـه من كلامـي دامعـه

قالت الموقف وقلبـي والمحبـه والحنين
كيف اشوفك بعد ماكنـت عنك قانعـه

قلت انا بسألك ان كانك انتـي تذكرين
عن مواثيـق ثـمنها من حياتـي دافعـه

قالت ظروف الزمان ماتطيـع العاشقين
بيعونـي غصب حبك لو هو ماني بايعـه

انا في دنياي حالي كنهـا حال السجين
حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين
السعاده فـي زمانـي والحيـاه الرائعـه

والحـين انا ام لثلاثـه ريـم ويـاسمين
والولد اسمه على اسمك والمشاعـر جايعـه ...!!

قطوف
09-13-2009, 09:20 PM
يا الله

تسم يا أخى على هالرجفه

قطوف
09-13-2009, 09:21 PM
عفوا تسلـــــــــــم