المساعد الشخصي الرقمي

مشاهدة النسخة كاملة : رسالتي هذي لاتمسحها واذا فيوم زعلت مني امانه افتحها


رمز السلام
09-20-2007, 12:53 AM
... هــذي رسـاله منـي ...
من اللي يعزك ويغليـــك
من اللي خايف يجينا يوم
وتفــرق بيننا الايـام
ياليت تقراها على اقل من مهلك
أنــا يالغـــالي
باأعترف لك عن كل شي
فــي قلبـــي
أخــاف الزمن يفرقنا
ويلعب بنا الشيطان
وكلن يروح في حاله
انا في حياتي يشهد الله
مااغليت كثر غلاك
ولاراح ارتاح الا معاك
انا ان غبت عن عيني
احس اني كارهن نفسـي
وحياتي مالها معنـى
وعشان اكون صريح اكثر
انا صحيح اغليت وحبيت وصادقت
كثير وكثير
بـــس يعلم الله اللي خلقني
ان غــــــــلاك محدن وصله
كنت اتمنى تكون لي وحدي
ولاتحب احد غيري
مثل مااشوفك لوحــدك
ومااحب اكون مع غــيرك
أمـــــــــــاااانه عليــك
أمـــــــــــاااانه عليــك
والامانه ماقدرت على حملها الجبال؟
لاجاء هاليوم اللي تحقد علي فيه!!!
والا كرهتني فيه؟
تذكر حااالي وش بيكون بدونك؟؟
تذكر اني مااغليت كثر غــلاك
وتذكر اني مابنســـــــاك
لو يطـــــــــول الفراق!!!
وبصير عايش على ذكرااااك
وقلبي خالي مايسكنه احد غيرك
أنا كنت في حالي ألعب وافرح
مثل طفل يشوف الناس عادي
امزح واضحك مه هذا وذاك
ولما شفتك بعد عادي؟؟!!.
لين صاحبتك
وعاشـــرتك
ولقيت بك صفات ماشفتها بااحد قبلك
لقيت فيك طيبه مالها مقياس
وشفت قلبك الابيض اللي يحب الناس
ولما تنجرح تسكت وتكتم بقلبك هالاحساس
وحتى بحزنك ماتعلم وتبين الضحكه لاحبابك
حتى لو تكون مجروح
ياغــــــــالــــي
لاتظن ان مااحد فاهمك
حلفت باللي خلق هالكون
اعرفك من نظرات العيون
اعرفك حزين والا سعيد
واعرفك لما تمثل ضحكه وانت بالاصل مجروح
مجروح وساكت ومخبي عشان ماتضايق اصحابك
كل هذا فيك وماتبيني اغليك
انا ودي لو تفتح لي قلبك
وتعلمني وش اللي فيك
وماتخبي علي اي شي
واصير كاتم اسرارك
واخفف من احزانك
واكون دايم بجنبك
واشيل حزنك بقلبي
واملي بالفرح دنياك
انا والله ثم والله ثم والله اني
أحـبـــــــــك حيل يالغالي
وتو ماجابته امه اللي يحبك كثر حبي
طيرت النوم من عيني
واشغلت قلبي وعقلي
ليل نهار افكر فيك
حرام عليك ارحمني
احبك واموت بحبك
ولو قدر الله وتفرقنا ونسينا كل مابينا
بالله عليك لاتنسى اللي كثير حبك
وباع عمره من اجلك
وهــذي اخر كلماتي
عســى الله لايفــرقنا
ويجمعنا على حبه ويغفر كل خطايانا
ورسالتي هذي لاتمسحها واذا فيوم زعلت مني امانه عليك افتحها
واقراء كل كلماتي (أحـــبك يااغلى ناســـي ).

عاشقة القلم الرمادي
10-05-2007, 12:14 AM
فيض رااااااااااائع
وأبداع يرسم الكلمات رسماً ويتفنن في رسمها
سلمت تلك الأنامل على هذا الطرح
لاعدمناك

رمز السلام
10-05-2007, 05:28 AM
الاخت الفاضله عاشقة القلم الرمادي
السلام عليكم ورحمة الله وبركاته
أشكرج على مرورج الطيب فقد أنار صفحتي وعطرها
بكلماتج وحلو ردج ,أشكرج من كل قلبي وأزف اليكي أجمل
معاني الشكر والتقدير , وأتمنى من الله عز وجل ان ينير قلبكي
بنور الايمان اللهم آمين وجزاكي الله خير الجزاء.. ورزقكي
التوبه والمغفره والرحمه والعتق من النيران
وأسأل الكريم سبحانه أن ينفعنا بما نقراء ويزدنا به هدى
وتقى وثبات على الحق الى يوم أن نلقاه , انه ولي ذلك
والقادر عليه والله يعطيج العافيه

ايمان
07-02-2014, 07:13 PM
انت نبع من الابداع


بوح عذب بعطر الحب


ينثر الغرام فوق سطور الحب


دمت بخير

لوجين
02-05-2017, 04:10 PM
لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز