المساعد الشخصي الرقمي

مشاهدة النسخة كاملة : بووووش وحبيبه بليييييييييييررر


النولي
07-29-2008, 11:20 PM
بلير :
الله لا يجزاك بالخير يابوش
ورطتنا في حرب صدام ورطه
عزمتني تقول بترول وقروش
بس الحقيقه روحتي معك غلطه



بوش:
بلير رد العلم عن بوش بن بوش
الله خلقنا للمقاريد سلطه
وابوي عنده للرجاجيل دنبوش
كم واحدا شلنا فلوسه ونفطه




بلير:
ابوك والنعمين مير انت مربوش
تموت بالبترول وتحب شفطه
صحيح عندك مال وجيوش
مير اتوقع لك تدهور وسقطه





بوش:
ان كان وانك خفت يوم احتمى الهوش
حرام ماتاخذ من النفط نقطه
قبلك ترى شيراك قد راح مكروش
شوفه يصرح كل يوم بمحطه



بلير:
وراك ماتعطي لشيراك عرموش
تراه مشغلنا بشيله وحطه
وليا انتهى الموضوع نرسله طروش
ونجمع المبلغ من الربع قطه



بوش:
شيراك هذا عنده الفكر مغشوش
فرط في مجلس الامن فرطه
يدزه اليابان والصين ويطوش
وجهز الفيتو لتحقيق وشرطه



بلير:
يابوش انا مرهق وخايف ومدهوش
وانت تقول الحرب خدعه وخطه
اسراي واسراك امتلا منهم الحوش
عز الله انه صابني منك جلطه



بوش:
ماقلت لك كم فيه اذاعات ودشوش
لاتكشف المعنى وانا اقول غطه
وان قالوا انا علوج وجحوش
ماهمنا الصحاف والي يحطه

القلب الطموح
07-30-2008, 10:12 AM
خطيره بالحيل ///

أخس عليكم يابوش وبليير

تسلم يمناااااااااااااك

دمت بود

رمز السلام
07-30-2008, 09:13 PM
وش يجي منهم غير المصخره الى يسونها في العام

تسلم اخوي على هذه المشاركه

النولي
07-30-2008, 09:51 PM
سلمك الله وبارك فيك اخيتي القلب الطموح للخير دائم

النولي
07-30-2008, 09:52 PM
تحيتي لك ايها الرمز الشامخ بالحب والسلام