المساعد الشخصي الرقمي

مشاهدة النسخة كاملة : الشاعر فهد المساعد (رساله)


رمز السلام
06-10-2008, 10:35 PM
ياصاحبي علمها كم لي ماشلت جوالي

ياصاحبي ..جيتك أشكي لك من أحوالي
جيت..ومادامك رفيقي ليه أطولهـا؟

العلم ومافيه..ياأول وآخر أمالي
عندي رساله ولاأدري كيف أوصلها

للي سبتني..وأنا من قبلها سالي
أبيك توقف معي وتروح تســألها

وش فيها تفتح علي ابواب عذالي
تحمل النفس حاجه ماتحملها؟!

وش فيها رغم الوفا تتركني لحالي
وانا لجفاها تركت الدنيا بكملها

ان كان هذا زعل علمها يالغالي
ماكان قصدي ورب البيت ازعلها

علمها واللي يخلي قلبك الخالي
عن ضيقتي وين وصلت من تجاهلها

علمها كم لي وانا ماشلت جوالي
كله علشان مااقلب رسايلها

علمها وشلون لامرت على بالي
اروح واضم صورتها وأقبلها

وعلمها كيف انشغل عن كثرة اشغالي
وأسرح وأغمض عيوني واتخيلها

علمها عني وعن همي وغربالي
علمها عن كل حاجه في تجهلها

وان شفتها دنقت تبكي على حالي
أنس الكلام وتذكر كلمه وقلها

قل:شاعرك يعتذر ويعاهدك تالي
انه يرتب حساباته من اولها

ويقول:حتى القصيد اللي على بالي
والله ماعاد اكتبـه كانه يزعلها


للشاعر فهد المساعد

للاستماع

http://www.wlh-wlh.com/vb/showthread.php?p=13559#post13559