المساعد الشخصي الرقمي

مشاهدة النسخة كاملة : قصــــة شايب هـــواوي ... مع بنت ملكـــــعه ... مجاراه رائعه


سعدون
05-23-2008, 07:42 AM
شايب هواوي وبنت ملكعه

بدايه القصه عن شايب اسمه حمدان وهواوي
( قلبه خضر ) ما يشوف بنت الا ينفتن ومشهور بانه حبيب

فيه بنت ملكعه وصاحبة مقالب قالت في نفسها انا ليه ما اروح للشايب وامزح معه
واضحكه شوي واشوف ردة فعله كيف تكون :
راحت له وردت عليه السلام كيف حالك يا شايب رد السلام والله بخير الله يعافيس
وفجأه عطته ظهرها ومشت ولا استئذان ولا شي ؟؟
ولع الشايب من حركتها قال فيها كم بيت يستعطفها فيها ويقول انها ذكرته الماضي
و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
يقول الشايب :>>>>>>>>



يا بنت خوذي خاطري وارحميني
لا تجرحين العود بعيونك السـود
غضي نظرك وغطي الوجنتيني
لعل يومٍ جدد الجرح مـا يعـود
يوم انتهى مع مرمسات السنينـي
جتني صواديفه على غير مقصود
باول شهر عشره نهار الثنينـي
حمدان مروا به على جنازة حمود


البنت كانت تقصد من استفزازه انها تجاريه في الشعر وترد عليه والمسكين ما كان
يدري انها شاعره وعلى باله ما خذ راحته في التغزل ردت عليه وهزأته تقول
>>>>>>>>>>>>>>

يا شايب الرحمن وينـك ووينـي
عزي لحالك قدمك الباب مسـدود
قلبك عطوف وجاه قلـبٍ متينـي
والبنت ما تشفق على مغازل العود
حبل الرجا مقطوع بينك وبينـي
مثل الغليث اللي رعا قلبه الـدود
اقفى شبابـك والعـرب مقبلينـي
يا عود ما يرجع من العمر مفقود

حطمته يوم قالت له انك عود وان الشباب ما يرجع وان ما فيه امل تعطيه وجه حس
العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :
>>>>>>



يا بنت صدي بالعيـون الظليلـه
لا صد عنك الله نهـار القيامـه
مالي ومالك يالفـروع الطويلـه
لو فيك من رسم البـداوه علامـه
يابنت ما لـي بالثمانيـن حيلـه
اهدف كما تهدف على البير قامه
اقفى شبابي والدهر شفـت ميلـه
يالله حسـن الخاتمـه والسلامـه
اعطيك موجز والبضاعـه قليلـه
واخذت لك من صافي الماء سنامه


راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين
لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي
منها غير التحيه والترحيب
يقول حمدان >>>>>>


يا بنت ما جاس الكبر والخشونـه
وعادت شباب اليوم يجفل من الشيب
ياسرع ما وبلـك تمـزع مزونـه
يالفاتنه يـا ام الثمـان الرعابيـب
يا بنت ما بينـي وبينـك مهونـه
كلمة شرف نبي تحيـه وترحيـب
الله مـن عـودٍ ثقيلـه طنـونـه
ينصاه راع المشكلـه والمواجيـب
على الكرم والديـن نفسـه حنونـه
تلقاه بالاجـواد شـرق وتغاريـب

جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في
غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى
لو حاول يستعطف
تقول البنت >>>>>



العود عود وطايحـاتٍ سنونـه
من كثر ما يرقد على جرة الذيب
عودٍ مهرقل والعرب ما يبونـه
ياعود ما لك في طويل المراقيب
اقفى شباب العود راحت حتونـه
مثل اليتيم اللي بكا ما له مجيب
جداه ينثر دمعة ٍ مـن عيونـه
غريق موجٍ ما لقا له مقاضيـب


وسلامتكم
إن شاالله أعجبتكم هالمحاوره
والله يكفي الشيبان شر البنات الملكعاااااات

عاشقة القلم الرمادي
05-23-2008, 02:33 PM
روووووووووووعة ..

يعطيك العافية أخي سعدون

والله لا يحرمني منك

برهوم
05-23-2008, 06:04 PM
تسلم اخوي سعدون على الموضوع

تقبل تحياتي

برهوم

سعدون
05-24-2008, 12:07 AM
الروووعه حضورك وتشريفك للموضوع اختي عاشقة القلم الرمادي

سعدون
05-24-2008, 12:08 AM
مشكور اخي برهوم على حضورك وتشريفك

بارك الله فيك

رمز السلام
05-24-2008, 04:13 PM
روووووووووووووووووووووووووووووووووووووعه

تسلم اخوي سعدون على الموضوع الجميل

دمت لنا بكل ود

القلب الطموح
05-25-2008, 01:58 AM
:
تسلم يمناااااااااك على هيك مشاركة طيبه

دمت بود

الساهر
06-11-2008, 03:16 PM
قصه روعه اخوي سعدون

يعطيك الف عافيه

تقبل فائق تقديري واحترامي

سعدون
06-11-2008, 05:41 PM
رمز السلام

الدانه

الساهر

تسلمون الله لايحرمني منكم

شااااكر حضوركم وتشريفكم

غيمة مطر
06-12-2008, 12:39 PM
رووووووعه

يعطيك العااافيه

سعدون
06-12-2008, 01:22 PM
حضوووورك الرااائع

بارك الله فيك

النولي
12-16-2009, 12:07 PM
ويش هاذا سعدون غربلت الشايب حراااااااااااااااااااام :003:

كل الشكر والتقدير يااعز صديق

سعدون
12-16-2009, 12:16 PM
الله يجازيك يالنولي .. انت كيف طبيت في القصيده هههههههه

تسلم تسلم بارك الله فيك