المساعد الشخصي الرقمي

مشاهدة النسخة كاملة : احلام برنسيسه


آمن
03-11-2012, 09:36 PM
برنسيسه شابه في مقتبل عمرها تعرفت عليها من مركز الشباب والذي اشتركت فيه فترة الصيف لممارسة رياضة كرة القدم والبعـد عن النواصي وأصدقاءالسوء...
وشدني إليها ما لحظته من حزن مرتسم علي وجهها النحيل وتعاطفي معها مماتلاقيه من تعب طيلة تواجدي بالبوفيه الملحق بالمركز.فهي تقوم بتقديم الطلبات للزبائن ولأن هذه مهنة ليست للفتيات فهي لا تستطيع تأديتها علي الوجه الأكمل فدائمااشعر بربكتها عند حمل الصينيه بالطلبات وأشفق عليها من مصاعب العمل ومن تكبر بعض الرواد...
وبين الحين والآخر تجلس علي كرسي بجانب البوفيه وقت أن يكون ليس مطلوبامنها طلبات وتجدها شاردة الذهن وكأنها تحمل علي كتفيها هموم أكثر كثيرا من سنها...
وعزمت علي أن أسالها قصتها..وقصدت المركز مبكرا عن موعد التدريبات وطلبت منها أن تأتيني بمشروب لأتمكن من الحديث معها.وأحضرت الطلب وسألتها
- أنت قريبةصاحب البوفيه
- لا.انا باشتغل عنده
- والدك بيشتغل إيه
- والدي متوفي وأنا وأخواتي ماما اللي بتصرف علينا
- من معاش بابا
- لا.بابا كان بيشغل بتاع محاره ومالهوش معاش.ماما دلوقتي بتشتغل في حضانه بعد وفاة بابا.
- ومالكوش دخل تاني
- لا ! هو في الصيف كل وا حد وواحده فينا بتشتغل أي حاجه عشان نقدر نحوش تمن ملابس ومصاريف المدارس ونخف الحمل شويه عن أمي ونقدر نتعـلم.
ونادي عليهاصاحب البوفيه فاستأذنتني وأبلغتها بأني منتظر تكملة حكايتها ووعدتني بأن تقوم بسردما تبقي منها.
وانشغلت أنا في التدريب ولم أتمكن من سماع باقي القصه وعزمت علي أن احضر من بداية فتح البوفيه لأتمكن من تكملة الأحداث. وبالفعل ذهبت إلي برنسيسه مبكرا وكلي أمل في أن استمع لبقية ما بدأت تسرده .
ووجدتها وكأنها منتظره وصولي.وبمجرد أن رأتني أقبلت نحوي. وسلمت علي ورددت تحيتها بوجه بشوش.وسألتها.
- انت في سنه كام
- رايحه اولي ثانوي
- ياه دانت صغيره قوي.عاوزاعرف انتي تحبي تعملي ايه في المركز لو ماكنتيش بتشتغلي في البوفيه.
- أتمني العب رياضه مع البنات اللي في المركز وعلي فكره كلهم صحابي.!!! واقعد معاهم في الكافيتريا واطلب مشروب وا دفع تمنه وأدفع للبنت اللي بتجيبلي الطلبات بقشيش ماهي غلبانه لولا إنها محتاجه ماكانتش اشتغلت الشغـله المتعـبه دي. ونفسي في يوم أروح البحر لأني مابروحهوش طول الصيف.حتي بعد ما بخلص شغل باكون هلكا نه من التعب وأفضل أنام عشان شغل تاني يوم..
- ليه انت مابتاخديش اجازه!
- لا مافيش عندنااجازات.زي قسم البوليس.كل يوم من الساعة اتنين لحد عشره مساءا ولحد ماروح بيكون التعب خلاني أمشي أجر رجليه ومش قادره أعمل حاجه.
- وعلي كده الماهية كويسه
- باقبض في الجمعة خمسه وعشرين جنيه
- شويه علي التعب اللي انتي بتشوفيه
- الحمد لله علي كل حال
- نعم الحمد لله في كل الأحوال.ربنا يعينك وتتخرجي وتنسي الأيام الصعبه دي . وتشتغـلي اللي نفسك فيه.
- يارب وربنا يوفقك ا نت كمان.
ونادي صاحب البوفيه عليها.يالا ياست عايزين نشوف شغـلنا.
واستاذنتي وذهبت لقدرها وعيناها تتوسلان للسماء أن يخفف عنها ربها ماتتكبده من مشقة في سبيل لقمة العيش.
وأدركت أنا سبب الحزن الذي لايفا رق وجهها الشاحب!!! وحمدت الله عليأن متعـني بعيشة ميسرة...

هوايا خليجى
03-11-2012, 11:40 PM
قصة رائعة
يسلمووووووووووووووووا

احلاهم و اتحداهم
03-12-2012, 12:21 AM
إنَتَقاء ثَرـے بالَذائَقة
جَمِيلْ ممَزوُج بتَسنيِم اَلوَردْ
سَلِمتْ الأيَادـے ودَام عطَائََكـَ
بإنتظار جَديَدكـَ المَمَيز

الفريدة
03-12-2012, 12:45 AM
بوركت للطرح الراقي

لك مني أجمل التحيات

آمن
03-12-2012, 05:07 PM
اعزائى الغاليين
هوايا خليجى
احلاهم
الفريده
شرفت روايتى بمروركم الكريم وتقديركم
اتمنى ان تحوز اعمالى رضاكم دائما

حنين الاشواق
04-23-2012, 02:15 PM
ما شاء الله معلومات قيمة جدا
موضوع رائع
فى إنتظار المزيد

آمن
04-24-2012, 04:56 PM
اأختى الكريمه حنين
شكرا لمرورك الغالى وتشجيعك
اتمنى دوام مشاركاتك ........
[/URL][URL="http://www.wlh-wlh.com/vb/imgcache/2/29563_geek4arab.com.gif"]http://www.wlh-wlh.com/vb/imgcache/2/29563_geek4arab.com.gif (http://www.wlh-wlh.com/vb/imgcache/2/29563_geek4arab.com.gif)