المساعد الشخصي الرقمي

مشاهدة النسخة كاملة : نهاية2011.... توزيع جوائز أوسكار 2011 للشارع المصري


حنين الاشواق
12-29-2011, 08:33 AM
توزيع جوائز أوسكار 2011 للشارع المصري



http://www.wlh-wlh.com/vb/imgcache/2/24136_geek4arab.com.JPG





بمناسبة نهاية العام . . وتكدس الشوارع والزحام ، قررت منظمة دولية . . مقرها العباسية ، اختيار مصر . . دولة العصر ، وتوزيع جوائز الاوسكار . . علي الناس والعسكر ، واختارت المواطن المدهوس . . ذا الشعبية والنفوذ ، لتوزيع الجوائز . . علي كل فايزة وكل فايز.

أفضل فيلم رعب : تذهب لعربيات النقل والمقطورة . . اللي فضلت في الصورة عن فيلم "القدر . . وعمي القلب والبصر"

افضل فيلم بوليسي : لفيلم " ادفع 20 الف جنيه . . وعربيتك المسروقة هترجعلك يا بيه".

افضل فيلم رومانسي : فيلم "اللي بالي بالك . . اسكت وخليك في حالك " حول الأنتمة في العربية الأخيرة من المترو وزحام الاتوبيس . . خصوصا الخميس

افضل فيلم كوميدي: فيلم "القاهرة الساعة 2 . . واحنا يا قلبي هنروح فين"

افضل فيلم درامي : فيلم "القاهرة الساعة 2 . . واحنا يا قلبي هنروح فين" ايضا

جائزة الفيلم الأكشن : لفيلم "اخطف التوكيل واجري" حول صراع الشركات . . لخطف توكيلات السيارات ، بتاعة اليابان والصين . . من توكيلها القديم

أفضل فيلم قصير : لفيلم "التوك توك" . . لمساهمته الايجابية في نجاح ثورة الفيس بوك

أفضل فيلم روائي طويل : لفيلم "ملحمة الأتوبيس" . . في رحلته من شبرا لرمسيس

افضل مشهد ساخن : للخروج من محطة البنزين . . بالسولار في جركنين ، عن فيلم "السولار بالدولار"

افضل مشهد درامي بكت له العيون . . وتحركت له البطون : مشهد وصول الاتوبيس . . للمحطة يوم الخميس من فيلم "عيشين اللحظة بعيون جاحظة"

افضل تأليف : مناصفة بين التصريحات . . والارقام اللي بالمليارات . . لبتوع النقل والمواصلات ، وارتفاع مبيعات . . بعض شركات السيارات.

افضل اخراج : لكل سواقي الملاكي والنقل والميني باص . . اللي بتخرج أعمالهم ارواح الناس

افضل منسق مناظر : عادلكو لفرش السيارات . . وتزويقها بالصور والمناظر والعبارات

افضل صوت : صوت الفرملة . . عن فيلم "عفاريت الاسفلت سوابق وحنجلة"

افضل نشرة أخبار : لأم مجاهد وام امين . . في اتوبيس 31 ، عن احداث 24 ساعة جيران . . وما يحدث في بيوت ام علي وام فوزي وام امام.

افضل دوبلير : للسيارات الصيني عن فيلم "التقليد والتكرار . . يعلم الشطار"
اقوي خبطات الموسم : للمطب الصناعي . . واتوبيسات النقل الجماعي

افضل خدع : مناصفة بين اشاعات الجمارك واسعار البنزين . . وهدف كل كمين

افضل سبق : للمواطن المصري في مشهد الجري وراء الاتوبيس من فيلم "وراك وراك . . انا مش هنساك"

افضل سيناريو وحوار : للاخوة التباعين . . عن فيلم "عتبة عتبة رمسيس عابدين"

جائزة الرقص الخاص : للاسطي بلية الميكانيكي . . اللي خللي الزباين ترقص شرقي وغربي وافريقي

افضل برنامج مسابقات : كيف تركب الاتوبيس . . من رمسيس

افضل مكياج : لتنظيم المرور وسفلتة الشوارع والحي . . عن فيلم "الوزير جاي الوزير جاي"

افضل اغنية شعبية : مناصفة بين "بشويش عليا" لدعمها مطالب أصحاب السيارات . . في تأجيل الأقساط ، و"المرجيحة" لتعبيرها عن مرجحة اصحاب السيارات . . بالشهور والساعات ، بين شركات التأمين ومراكز الخدمة . . لو فكر صاحب اي عربية وعمل حادثة او خدت عربيته صدمة.

جائزة الاغنية النظيفة : بحبك يا حمار . . لتشجيعها ثقافة العودة للطبيعة وتوفير البترول والسولار

جائزة الاغنية الرومانسية : أغنية "انا مصمم . . مش ماشي قبل ما تتعلم . . ازاي تسوق وتتكلم ، بتكسر عليا ليه هو انا اللي خبطتك . . تصليحها كله في رقبتك ، مش ماشي ولا سايبك تمشي الا ما تدفع يا بيه.

أفضل اغاني الموسم : اغنية "اتقي ربنا فيه" . . وصلح بضمير العربية

افضل مؤدي مشاهد خطيرة : لسواقين الميكروباص . . عن فيلم "شكل وخلاص"

أفضل مؤثرات بصرية : لاضاءة نور العربية . . في وش العربيات اللي جاية . . عن فيلم "نور عينيا"

أفضل تصميم أزياء : لفرش وأغطية السيارات . . من اعلانات الانتخابات عن فيلم "الحصانة البرلمانية للعربية"

أفضل إنتاج فني : لمصانع تجميع السيارات علي حق. . عن فيلم "قص ولزق"

أفضل فيلم بلغة أجنبية : لفيلم "السيارة الدبلوماسية" عن دهس المتظاهرين . .بعربية مش عارفين بتاعة مين

عاشقة الجنه
12-29-2011, 09:37 AM
لا حول ولا قوة الا بالله
كان الله فى عون مصر والمصريين
مشكوره حنين موضوع مميز

شمعة حياتي
01-17-2012, 09:40 AM
شـكــ وبارك الله فيك ـــرا لك ... لك مني أجمل تحية .

ندى الورود
01-18-2012, 09:56 AM
موضوع جميل ومميز فعلاً

حنين الاشواق
02-07-2012, 08:04 PM
مشكورة لمرورك عاشقة

لوجين
09-06-2016, 05:12 PM
لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز