المساعد الشخصي الرقمي

مشاهدة النسخة كاملة : بكل مشاعرك خاينه


كريم الشاعر
04-08-2011, 10:29 PM
في ساعة فيها المقادير خاينه
وفيها دموعي للمخاليق باينه

فارقت نور عيوني ونور خافقي
ولاعاد اضن اني بأشوفه واعاينه

بأسباب عذال المحبين بأرتحل
من شان اجنب نور عيني ضغاينه

رحلت من ديرة وليفي لديرتي
وهلت دموعي يوم فرقا مداينه

هانت علي الارض باللي سكن بها
ياكود ذكرى الحب ماهيب هاينه

لاشك من فرقاه ولت وناستي
واعاين ايامي رديه وشاينه

حسبي على الايام ياكبر همها
وش لون تفرق واحد من قراينه

يالله يالمعبود ياعالم الخفا
تفرج لقلب زايدات غباينه

يستورد الحسرات ويصدر القهر
السوق جوفه والغباين زباينه

وتفرج لجفن يخزن الدمع داخله
واليا طرا خله يفيض خزاينه

اسألك ياللي تفلق الحب والنوا
تزين الايام وتصير زاينه

حنين الاشواق
04-09-2011, 10:08 AM
حسبي على الايام ياكبر همها
وش لون تفرق واحد من قراينه

سلمت يداك ياشاعر

كريم الشاعر
04-09-2011, 10:59 PM
فارقت نور عيوني ونور خافقي
ولاعاد اضن اني بأشوفه واعاينه


دايما مرورك يشرفنى حنون

تحياتى لكى

رمز السلام
05-03-2011, 03:19 PM
هلا وغلا اخوي
لاشك كلام تشكر عليه وختيارك ممتاز وتمنى لك مزيد من التوفيق
في مجال حياتك الشعريه المليئه بالحب والعاطفه والاحساس المرهف
لك شكري وعتزازي

لوجين
01-28-2017, 11:37 AM
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي