المساعد الشخصي الرقمي

مشاهدة النسخة كاملة : قصيدة


سعدون
03-18-2008, 05:02 PM
مهر العروس

سبحان من يرزق بتـوع الملاييـن ==== الرازق اللي ما يخيب الرجـا بـه
لي عم عنده معـرضٍ للصواليـن ==== أموت واعرف بس من وين جابـه
وإذا سألته قـال بعـت الدكاكيـن ==== ما يدري إني ما هضمت الإجابـه
الشاهد إني رحت له قبـل يوميـن ==== في قصره العامـر ودقيـت بابـه
قال ارحب ارحب عدّ ورد البساتين ==== يا مرحبا باللـي لفـا يـا هلابـه
قلت البقا عـدّ النفـل والرياحيـن ==== يا شيخ شمل اهل الكرم والذرابـه
قال اسلم الله يحفظك لي من العين ==== وآمر أوامر حضرتـك مستجابـه
قلت الصراحة طالبٍ قرب غاليـن ==== ودي تزوجنـي كريمتـك يـابـه
ثنّى وقـال اهليـن والله وسهليـن ==== والكون ترخص لجل عينك رقابـه
لكن ترا عندي شـروط وقوانيـن ==== قلت اشرط اشرط يا حبيب الغلابه
قال أولاً مهـر العروسـة ثمانيـن ==== غير الرسوم وغير حق العصابـه
والثانية عمك يبـي منـك سبعيـن ==== رسم الأبـوّة والنسـب والقرابـه
وام العروسة حقهـا منـك ستيـن ==== عشانها سـت الحسـن والمهابـه
واخوانها كلن يبي منـك خمسيـن ==== عداً ونقـداً تنـدرج فـي حسابـه
وخواتها الخمس اعطهن من ثلاثين ==== عشـان تتوثـق عـروق النسابـه
وتجيب طقم عيار واحد وعشريـن ==== وخاتم من الماس المصفى ترابـه
واكياس متروسة كعوب وفساتيـن ==== ألوانهـا واشكالهـا مـا تشـابـه
وموتر بسواقـه وفيـلا بدوريـن ==== أثاثهـا مـن بطـرتـه ينحكـابـه
واحجز لنا قاعة بقصر السلاطيـن ==== واحجز بهـا رقاصتيـن وربابـه
وامنع دخول اهل اللحى والبزارين ==== واعـزم أميـر المنطقـة بالنيابـه
هذي الشروط اللي على بالي الحين ==== وذكرني اللي ما حسبنـا حسابـه
قلت اذكر الله يا عـدو المساكيـن ==== واستغفـره لا يبتلـيـك بعـذابـه
الظاهر إنك منت عارف أنا ميـن ==== أنا لو ارقا فـوق متـن السحابـه
ما جبت حتى نص درزن مواعين ==== واضحك بكيفك واعتبرهـا دعابـه
شروطكم هذي شـروط المجانيـن ==== شروطكم شغـل ابتـزاز ونهابـه
شروطكم تقصم ظهـور البعاريـن ==== شروطكـم همّـن وغـم وكـآبـه
شروطكم والله سيـوف وسكاكيـن ==== تذبح بنات المجتمـع مـع شبابـه
وين الرضا والعطف واليسر واللين ==== اللـي ذكرهـا الله بمحكـم كتابـه
وين الصفات اللي أمرنا بها الديـن ==== وين اختفى نهج النبي والصحابـه
يا عم جعل اللي خلقنا من الطيـن ==== يرد عقلك مـن خطـاه لصوابـه
ويجعل نصيبي عند غيرك قل آمين ==== ويحسن عزا الصابر ويجزل ثوابه
قال انت لو فكرت تفكير صاحيـن ==== ما شفت في مجمل شروطي غرابه
حنا بعصـر العولمـة والمزاييـن ==== ماهوب عصر الفلسفة والخطابـه
الناس تسعـى للرتـب والنياشيـن ==== وانت اهتمامك بالشعـر والكتابـه
والشعر ما ينفعك لو هو دواويـن ==== ما دام جيبك مثل بيـت الخرابـه
يا بوك لا تسمع كلام المصاخيـن ==== واسأل مجرب عاش في وسط غابه
قلت الله اكبر يا محـرر فلسطيـن ==== من يسمعك يحسبك ذيـب الذيابـه
تراك شايب راس مالـك رياليـن ==== والبنت ما تسـوى جنـاح الذبابـه
قال انقلع مالت على وجهك الشين ==== لا عاد اشوفـك عندنـا يالزلابـه
قلت ابشر ابشر لكن الباب من وين ==== واقفيت من عنده على صوت بابـه

منقوووول

مناير
03-20-2008, 11:08 PM
امبيه امبيييييييييييه ياااااااا سعدوووووون..

لوووو تطيح بعم مثله...

لووووووووووووووول


تسلم الاياااااادي غلاااااااااوي

وعساااااااااااك ع القوووووه

سعدون
03-21-2008, 12:24 AM
الله يكفينا شره يامناير

تسلمين على الحضور

غيمة مطر
03-21-2008, 11:43 PM
والله رااااائع

تسلم سعدووووووون

سعدون
03-22-2008, 01:16 AM
حضورك الرااائع اختي غيمة مطر

http://www.wlhwlh.com/uploads/9ff6f1d4af.gif (http://www.wlhwlh.com/)

عفيفة
03-22-2008, 03:08 PM
تسلم خيوا على القصيدة الحلوة الرائعة
تسلم الايادي الحلوة الي كتبت القصيدة

سعدون
03-22-2008, 03:26 PM
تسلمين اختي عفيفه على المرور

بارك الله فيك

القلب الطموح
03-25-2008, 02:36 PM
خطيرة هالقصيدة ... الله يستر علينا ...


سلمت يمنااااكـ ع المشاركة الجميله


دمت بود .......:)

سعدون
03-26-2008, 01:53 AM
اختي الدانه
كم انا سعيد بحضورك وتشريفك
لاحرمنا تواجدك
تحياتي لك
http://www.wlhwlh.com/uploads/02607e3fce.gif (http://www.wlhwlh.com/)