المساعد الشخصي الرقمي

مشاهدة النسخة كاملة : عن اذنك برحل لدرب الغيـاب اللـي ينادينـي


رمز السلام
11-12-2010, 10:58 AM
على أمرك يابعد نبض الخفوق وهاجسي ومناي

مادامك ماتبي وصلي أنـا وش عـاد يبقينـي





أبحفظ مابقى لي من كرامه وأستحـث خطـاي
علىدرب الغيـاب وويـن مـاودى يودينـي





واذا هفهف على صدري هواك وحدني لاقصاي
دعيت الله يطمن فـي بعـادي قلبـي وعينـي





وطلبته مثل مامكـن غـلاك وثبتـه بحشـاي
يشيله من معاليقـي قبـل لا الوجـد ينهينـي






ولعلمك لو عرفت إني أبثني عزمـك برجـواي
أمـوت ولا ترجيتـك وقلبـك بايـرٍ فيـنـي





لو انك قلتها تبغـى تشـوف معزتـك جـواي
أو انك قلتها ساعه زعـل والذنـب كاسينـي





لاجيك بكل حيلاتي من ايـام الصبـا لاتـلاي
وأشري رضاك لو كان المقابل باقـي سنينـي





ولكن مالمسته بك قتل حتـى العتـب بشفـاي
غرام ٍمات في عينك علـى فرقـاك يغرينـي





حسافة كنت احسب انك تقدر طيبتـي ووفـاي
وعلى اقل احتمال تراعي اللـي بينـك وبينـي





توقعت إنك أخلص من عرفت وشفت في دنياي
أشك بكـل مـن حولـي ووحـدك ماتخلينـي





طلبت البعد في وقتٍ أبيك تكـون بـه يمنــاي
بعد ماجارت ايامـي علـي وحـارت يدينـي





ولايخفاك لوعات الليالـي وماحصـل ويـاي
ولو مافي يدك حاجة وجـودك كـان يكفينـي





توفي لو بعض دينك إلين آقف علـى ماطـاي
لعل يكون لي صبـر ٍ علـى الفرقـا يقدينـي





على كل حال ماينفع كلامي لـك ولا شكـواي
عن اذنك برحل لدرب الغيـاب اللـي ينادينـي

ريتاج احمد
11-12-2010, 11:06 AM
لو انك قلتها تبغـى تشـوف معزتـك جـواي
أو انك قلتها ساعه زعـل والذنـب كاسينـي


لاجيك بكل حيلاتي من ايـام الصبـا لاتـلاي
وأشري رضاك لو كان المقابل باقـي سنينـي


ذائقه ولا ارووع

من المتابعييين لطرحك يارمز السلام

تحيااتي لك

سناء
11-12-2010, 08:12 PM
واذا هفهف على صدري هواك وحدني لاقصاي
دعيت الله يطمن فـي بعـادي قلبـي وعينـي

وهووبه
11-12-2010, 09:39 PM
على كل حال ماينفع كلامي لـك ولا شكـواي
عن اذنك (http://www.wlh-wlh.com/vb/t12828.html)برحل (http://www.wlh-wlh.com/vb/t12828.html)لدرب الغيـاب (http://www.wlh-wlh.com/vb/t12828.html)اللـي ينادينـي

رمز السلام
11-13-2010, 11:03 AM
اشكركم لردودكم اللطيفة والمرور المميز المتألق والحضور الباهر . .
لكم ارق التحيا . .