المساعد الشخصي الرقمي

مشاهدة النسخة كاملة : يا قلب


رمز السلام
10-18-2010, 04:48 PM
يا ( قلب) يكفي ما جرالك ويكفيـك
انك تموت من القهـر الـف مـره .~

بالله قلّي ويـش تالـي مساعيـك
ياللي تناظر فـي نجـوم المجـره .~

حلمٍ حلمتـه مـا يحقـق أمانيـك
وليلٍ سهرتـه مـا ينسيـك مـره .~

أن كنت ناسي ما جرالك بماضيـك
بذكّرك في الوقـت خيـره وشـره .~

عطيت من دمّك وخابـت هقاويـك
وراحت سنينك بالشقى والمضـره .~

كم (جرح) ينزف بك وكنّه ولا فيك
من خوف عذالك بصـدرك تصـره .~

وكم (جرح) لو تخفيه بانت مواريك
له في ملامح وجهك السمح جـره .~

وش فايدة صبرك وسهرك لياليـك
وغيرك بدون أحساس مافيـه ذره .~

أكبر خطا تبكي على أنسان ناسيك
ويضيق صدرك فيك وتموت حـره .~

اللى نساك أنساه لو كان يطريـك
واللي يبرك فـي مواصلـك بـره .~

وأكبر جريمة .. من توده ويجفيك
أنك تصونه عقب ما بـاح سـره .~

قول (الوداع) وما جرالـك يكفّيـك
ودربٍ يمـرّه لا تحـاول تـمـره .~

يا (قلب) يكفي ما جرالك ويكفيـك
أنك تموت من القهـر ألـف مـره .~

حنين الاشواق
10-18-2010, 09:47 PM
تدري وش اللي يذبح القلب ياقلـب
انك تحب انسان.. ويحـب غيـرك !؟!

من جد يذبح القلب والله

رمز السلام
سلمت اناملك ولا عدمنا جديدك

تقبل خالص ودي واحترامي

رمز السلام
11-13-2010, 10:58 AM
لقد انار ردك صفحتي وأثلج صدري فشكر لكِ

سناء
11-13-2010, 11:33 PM
وأكبر جريمة .. من توده ويجفيك
أنك تصونه عقب ما بـاح سـره .~

بجد اكبر جريمة