المساعد الشخصي الرقمي

مشاهدة النسخة كاملة : مين الا قالك


حنين الاشواق
08-06-2010, 07:16 PM
مين اللى قالك

هوه ده الحب الوحيد

هيا دى الشمس اللى حلمك

جاى معاها من بعيد

مين بس ضلك

مين غير الدنيا فى عنيك

خلاك تعيش والوهم فيك

مكنش يا قلبى ليك

ولا تحت شمسه ضِلك

مين خدعك و قالك

*** *** ***

مش احنا يا قلبى هما

اللى يغنوا لما ...

يسمعوا م الحب كلمه

يستنو م الصبح بسمه

وجراحهم تطيب بهمسه

واعيش اداوى جراحى فيه

*** *** ***

خدعت نفسى بيه ... ... و اتاريه

سابنى أدور سنين عليه ...

فى خيط شموس ... ... متطلعش إلا ليه

فى حلم عاش حواليه

*** *** ***

خدعت نفسى بيه ... ... واتاريه

زى الزمان ملهش غالى

ملهش ذكرى مع الليالى

ولا بيت صغير يحن ليه

واهى توبه يا قلبى نحب تانى

خليك يا قلبى معايا عالى

خساره دمعه تسيل عليه

*** *** ***

خدعتك يا قلبى بيه ... واتاريه

زى الزمان مالهوش آهات ..

لما يجرحه السكات ... تداويه

ولا له دموع يبكى بيها

ولا قصه يكتب اسمي فيها

فى نهاية مُره ... تهون عليه

*** *** ***

خدعت نفسى بيه ... ... واتاريه

زى ايام الطفوله ...شىء بعيد

لكنه عايش جوه دمى

شايفه طير طاير بحلمى

كأنى هارجع طفل تانى

طفل يكبر من جديد

وده كله فى حقيقة حياتى

زى حبه ... شىء بعيد

حب رافضه الصمت فيه

*** *** ***

خدعتك يا قلبى بيه .... و اتاريه ........

زى الشتا من غير مطر

زى القمر ...

يومين بيضوى فى ليل غميق

وكتير يغيب ... ينسى الصديق

مش هوه ده حلمك يا قلبى

ولا هيا دى نهاية الطريق

*** *** ***

ارجع يا قلبى للى يحبك

اللى شاف الويل من بُعدك

اللى غنا ... وبكي عشانا ...

صان عشرتنا ... و ياما اتمنى

تبقى حكايته جوه حكايتك

يوهب اكتر ما بتديه ....

خدعت نفسى بيه ... ليه ؟؟؟

سناء
08-06-2010, 10:28 PM
ارجع يا قلبى للى يحبك

اللى شاف الويل من بُعدك

اللى غنا ... وبكي عشانا ...

صان عشرتنا ... و ياما اتمنى

تبقى حكايته جوه حكايتك

يوهب اكتر ما بتديه ....


سلمت يمناكِ