المساعد الشخصي الرقمي

مشاهدة النسخة كاملة : اخر رسالة ود تكتب يميني


رمز السلام
07-23-2010, 02:06 PM
اخر رسالة ود تكتب يميني
قبل الرحيل المر قبل الحسايف


ارجوك ياعذب اللمى سامحيني
ما دام انا من سيرة الحب خايف


ناديت من قلبي عسى تسمعيني
لاتحسبيني يوم صديت عايف


صوتك يسبب مشكله صدقيني
حتى ولو بين القلوب الولايف


اقولها من جد بينك وبيني
ياهو مصيبه همس ذيك الشفايف


لو تنطقي حرفين تسحر فطيني
وش لون عاداهل العقول الخفايف


حسنك سلب عقلي وبيح كنيني
ماعدت غيرك ياريش العين شايف


الزين لفك من شمال ويميني
قليل في حقك حسين الوصايف


مافيك عيب وكل مابك حسيني
فيك الحلا والحسن طاغي وكايف


طلبت ربي في فراقك يعيني
ماعاد بي حيلٍ يطيق الكلايف


وان كان جيتك جنبي واتركيني
لاني اعرف القلب يمك مهايف


لاتذكرين الحب لاترحميني
خليني اصبر تاليتها خفايف


حتى بمنامي حاولي ماتجيني
ردي طيوفك لاتجيني ردايف


واذا صحيت انسى عناي وحنيني
واحاول انسى حب ناب الردايف


حتى ولو جوي تعكر ..يزيني
واعيش جوٍ مثل جو المصايف


هذا قراري راضيٍ مايجيني
من عقب عديت الطوال النوايف


شم الجبال اللي حجاها حصيني
عديتها وهموم قلبي لفايف


في مرقبي راجعت ماضي سنيني
واخذت عبره من ليالٍ طوايف


درب الهوى يابنت ماله ضميني
ياكثر مابه من علوم وطرايف


في سيرة العشاق سرٍ دفيني
تلقى بعضهم مع بعضهم حلايف


نهارهم مابين شوق ونيني
وليلاتهم مابين ساهر وحايف


حال الهواوي مثل حال السجيني
دايم على خده دموعه ذرايف


الشوق جمره بالحشا تبتليني
تحرق معاليق الضلوع النحايف


ابيك والله وادري انك تبيني
بس اجزمي خلاص ماني برايف


يكفي دلع بالله لاتحرجيني
قلت الك انا من سيرة الحب خايف



بودعك يافاتنتي واذكريني
اذا قريتي هاجسي بالصحايف


هذا جوابي قدري و اعذريني
وانسي مع الايام ماكان طايف

حنين الاشواق
07-23-2010, 03:27 PM
الله يعطيك العافية على هذة القصيد الرائعه وليس غريب على مثلك
الانتقاء والاختيار الجميل وهذا من حسن ذاتك وشعورك واحساس
العذب ابيات بغاية العذوبه صح لسان قائلها وسلمت لنا اناملك على
هذا النقل الموفق

رمز السلام

لك تحياتي وتقديري

deia323
07-25-2010, 12:53 PM
فيه تعديل صغير قلت لحنين عدلته اى خدمة ياعم هههههههههه
خالص تحياتى لصاحب الكلمات العذبة

رمز السلام
08-19-2010, 12:00 AM
اشكركم لردودكم اللطيفة والمرور المميز المتألق والحضور الباهر . .
لكم ارق التحيا . .