المساعد الشخصي الرقمي

مشاهدة النسخة كاملة : جيتك يا بحر بعد ما ضاق بي الصمت


حنين الاشواق
07-20-2010, 08:05 AM
جيتك يا بحر بعد ما ضاق بي الصمت
جيتك من كثر ما انجرحت وتألمت
يابحر شيل همي خلاص تبت وتعلمت
ماني لاقي أحد يحس بزفرة الآه
يابحر مدري أنا التايه ولا الحظ تاه
جيت أدور عني أنا
أبي ألاقي نفسي عندك بين صخورك
بأمواجك ,, أو في وجوه هالناس
جيت أفتش عن بقايا أشلائي
عن صوت اختفى بصمتي
وابتسامه فارقت شفاتي
يابحر قالوا عنك واسع وقلبك ماله شاطئ
بس أنا أبيك تسمعني للآخر
أنا جيتك حزين أصبر قلبي الصابر
جيت تسامرني بعد ماتفرقوا أحبابي
جيتك تداويني من أوجاعي
يابحر مالي غيرك مسامر
يابحر أبي جوابك
ليه الحزن مكتوب فيني؟؟؟
ليه يابحر أحس بوحدتي نار تكويني
يابحر الناس صارت من دون مشاعر
حتى أقرب الناس تغير وتجبر
يابحر محد باقي مثل ماكنت خابر
يابحر مالي ومال الناس؟؟
اللي فيني يكفيني
أنا محبوس بين صور من الماضي
أقلبها بأفكاري
حتى ضاقت بي الدنيا وتخلت عني أشعاري
وعاندتني أقلامي وكل الدفاتر
عشان كذا أبي تحس فيني
يابحر قلي ليه الدنيا عذاب
هموم ,, ودموع , واكتآب
ليه الكل رااااح من غير وداااع ليه راحوا بعيد
ما أشوفهم الا سراب
راحو بصمت لا تلويح ولا عتاب
يابحـــــر
ليه ناس مرتاحه وناس تنكوي بالنار
وليه جروح الكل تطيب
وجرحي للحين ماطاب
أدري أتعبتك يابحر
والأسئله ما لها عندك جواب
بس الحقيقه ليتك انسان
يمكن تحس فيني وش كثر أنا تعباان
ليتك تضمني بين أمواجك
ليتك تقرى قصتي وتعرف مين أنا
أنا قصيدة ألم من غير عنوان
أنا الألم كله
أنا جروح في صورة انسان
أنا ذكرى منسيه
أنا دموع وأحزان
باختصار أنا قصه
طويله مايحفظها كتاب
ليه يابحر؟؟
ليه ضاق صدرك
حتى أنت يابحر ماتبيني؟
ليه تنثر قطرات دمعك على عيني؟
يابحر بيكفي ,, دموعي تكفيني
مافيني حيل أواسيك أبيك أنت تواسيني
يمكن حتى أنت يابحر صرت مثل كل الناس قاسي
ماتحتمل هم أحد
وأنت منك ناقص هموم تكدر أفراحك
أشوفهم حولك في وجوههم سعاده
مدري ليش أنا أعيش لحظات الكآبه
يابحــــــــر
أبيك تحفظ شكوتي في أعماقك
وسر دمعتي احفظها أمانه
خلاص عشانهم برحل وما أكون سبب هياجك
افرح يابحر من أكون أصلا بين كل هالناس
أبرحل واعتبرني قطره من ذيك السحابه
ماراح أتحسف خلاص وش تفيد الحسافه
أبرحل واعتبرني تايه ظليل
أو سائح مر على أمواجك

عدني خاص
07-20-2010, 01:14 PM
جئت اليك ايها البحر اشكي احزاني
جئت فانت لي كاتم اسراري

انه البحر الذي تحمل الكثير والكثير عنا
انه البحر ذلك الصندوق الذي مهما حمل
لن يفتح ابدا جميلة تلك الكلمات التي
رسمت بأنملك سيدتي فبدعتي بلوحة
اسمها البحر سلمت حنين وسلم
نبضك وقلمك من كل الاهات
كنت هناء فابحرت باعماقك

اعجوبة المغيب
07-24-2010, 12:09 PM
http://www.wlh-wlh.com/vb/imgcache/2/8130alsh3er.gif (http://www.wlh-wlh.com/vb/imgcache/2/8130alsh3er.gif)خاطره رائعه
جزاك الله خيرا
و أنار دربك
ووفقك لكل خير
و أدخلك الجنة بغير حساب و لا عقاب
http://www.wlh-wlh.com/vb/imgcache/2/8130alsh3er.gif (http://www.wlh-wlh.com/vb/imgcache/2/8130alsh3er.gif)

دلوعة المنتدى
07-24-2010, 12:20 PM
الله عليك كلمااااااااااااات راائعه

احساسك جميل وعذب

غاليتي

اشتقت للابدااعك الرااقي

دوما وابد مبدعه

لاتحرمينا من جديدك

تقبلي مرووري..