المساعد الشخصي الرقمي

مشاهدة النسخة كاملة : انهارده انا جيبالكم موضوع جميل


حنين الاشواق
07-12-2010, 11:56 AM
انهارده انا جيبالكم موضوع جميل وبسيط جدا وان شاء الله يارب تستفيدو منه وهو من اختراعى ميه فى الميه من طق طق لسلام عليكم نظرا لانى من محبات الاعمال والاشغال اليدويه واصلا الفكره خطرت على بالى لما كنا بنعمل تصليحات فى المطبخ وغيرنا الارضيه والعمال كانو لما يروحوا بعد انتها اليوم كنت بلاحظ بقايا خلطة الاسمنت فى طبق العجن بتاعهم عامله شكل جميل البقايا يعنى المهم انا عجبنى الشكل العام وبدأت اجرب وعرفت منهم انها عباره عن اسمنت ابيض ورمله بيضاء ولما جربتها لقيتها حلوه بس تقيله شويه بسبب الاسمنت ففكرت انى اضيف الجبس شويه وجربت بقى مقدير مختلفه من الثلاث مكونات لغاية ماوصلت للمقادير المظبوطه من وجهة نظرى اسيبكم مع الموضوع ويارب افيدكم فيه

بسم الله الرحمن الرحيم

اولا المقادير :
http://www.wlh-wlh.com/vb/imgcache/2/7788alsh3er.jpg

زى ماشايفين عباره عن : اى اشكال او مجسمات زجاجيه برطمانات بأى احجام +فلوت اللى هو ورنيش + قواقع واصداف وخرز + اسبريه دهبى وفضى + تنر او تربنتينه + طبق + فرشاة +جليتر + ملعقه +ماء + كوب جبس + كوب رمل ابيض بتاع البحر + ونصف كوب اسمنت ابيض + وعاء لعجن المكونات انا اخدت زجاجة بيبسى وقصيتها عشان بعد الشغل حتترمى .

الطريقه :

اولا :

http://www.wlh-wlh.com/vb/imgcache/2/7789alsh3er.jpg

نخلط كلا من الجبس والاسمنت والرمل فى الطبق ونقلبهم بالملعقه جيدا حتى يمتزجو

http://www.wlh-wlh.com/vb/imgcache/2/7790alsh3er.jpg

وبعدين ناخد كميه صغيره ونعجنها بالماء فى وعاء كما هو مبين فى الصوره معايا لحد هنا

http://www.wlh-wlh.com/vb/imgcache/2/7791alsh3er.jpg

بعد العجن وبسرعه شويه نبدأ بتوزيع الخليط دا على جدار اى مجسم انت حابه انك تزينيه وانا اخترت هنا مجموعه منها كاس ومنها طبق ومنها زجاجة كاتشب وبرطمانات بأحجام مختلفه

http://www.wlh-wlh.com/vb/imgcache/2/7792alsh3er.jpg

وبعد مايخلص او جنب من جوانب المجسم نبدأ بتوزيع الخرز او اللولى والقواقع بشكل عشوائى مع الضغط عشا يجف الخليط ويمسك كل حاجه حطيناها سواء الخرز او الصدف او القواقع فهمتو ليه بقول بسرعه عشان طبعا الاسمنت والجبس بيسخنو ويجفوا بسرعه ولو جف قبل ما نزين حيبقى زى الحيط فا احنا بنعمل شويات شويات عشان مايجفش مننا بسرعه وبرضو جمب جمب لغاية مايخلص المجسم كله ودى صور توضح كلامى

http://www.wlh-wlh.com/vb/imgcache/2/7793alsh3er.jpg

http://www.wlh-wlh.com/vb/imgcache/2/7794alsh3er.jpg

وبعد مانخلص كل الشغل نسيبهم يجفو خااالص ممكن اربع او خمس ساعات معايا لحد هنا ودا الشكل النهائى بعد الخطوات اللى فاتت

http://www.wlh-wlh.com/vb/imgcache/2/7795alsh3er.jpg

نيجى بقى لخطوة الاسبريه وهى طبعا بالنسبه للالوان حسب اختيارك ممكن ازرق مع دهبى او فضى وممكن اخضر يعنى حسب ديكور البيت عندك والوانه بس انا اخترت دهبى وفضى عشان بيليقو مع كل الالوان وحنبدأ نرش الاسبريه على المجسم ممكن كله وممكن نخلى جزء الزجاج باين انه زجاج عشان بس يدى شوية فخامه للتحفه قال يعنى ههههههههههههههههههه

http://www.wlh-wlh.com/vb/imgcache/2/7796alsh3er.jpg

انا بدأت هنا بالون الدهبى وبعدين اديت تاتشات بالاسبريه الفضى وبرضو الامر متروك ليكى تلونيه بالطريقه اللى تعجبك وبعد ما تسيبى المجسمات تجف من الاسبريه تيجى الخطوه القبل الاخيره .......

http://www.wlh-wlh.com/vb/imgcache/2/7797alsh3er.jpg

وهنا حنجيب التنر او التربنتينا وبقطعة قماش او قطن او منديل حنبللها بالتنر ونمسح الزجاج من الاسبريه اللى جه عليه اثناء الرش





http://www.wlh-wlh.com/vb/imgcache/2/7798alsh3er.jpg

حناخد الفرشاة والفلوت وندهن المجسم كله

http://www.wlh-wlh.com/vb/imgcache/2/7799alsh3er.jpg

وصلنا للخطوه الاخيره بعد مانخلص طلى المجسم بالفلوت نبدأ بنثر الجليتر على المجسم نثر عشوئى وبرطو حسب رغبتك ممكن تستغنى عنه اصلا كل الخطوات دى منى مش حاجه اساسيه يعنى

http://www.wlh-wlh.com/vb/imgcache/2/7800alsh3er.jpg

ودا بقى شكل العمل بعد الانتهاء حسيبكم مع الصور بس احب اعلق على الطبق هو مقسم من الداخل 3 اقسام ممكن ينفع بونبونيره بس انا عملته فواحه وحطيتله ورد مجفف بزيت عطرى من باب التغيير يعنى

http://www.wlh-wlh.com/vb/imgcache/2/7801alsh3er.jpg

http://www.wlh-wlh.com/vb/imgcache/2/7802alsh3er.jpg

http://www.wlh-wlh.com/vb/imgcache/2/7803alsh3er.jpg

http://www.wlh-wlh.com/vb/imgcache/2/7804alsh3er.jpg

http://www.wlh-wlh.com/vb/imgcache/2/7805alsh3er.jpg

دلوعة المنتدى
08-14-2010, 08:17 AM
فكرة رائعة جدا تسلم يداك
بانتظار جديدك