المساعد الشخصي الرقمي

مشاهدة النسخة كاملة : اتعبني الحلم لين الواقع انكرني


رمز السلام
06-21-2010, 09:32 PM
اتعبني الحلم لين الواقع انكرني
كني مسكت الفرج بيدي ...وهديته


مافيه داعي على فرقاك تجبرني
حتى الجفا منك ولعني وحبيته



الجرح عدى زمانه..لاتذكرني
هذاك وقت تعذرته وجافيتــه



لو شفت دمع القصايد كان تعذرني
تصور ان الشعر يضحك وبكيته



ماغيروني ياكود الله يغيــرنــي
كم واحد عنك يبعدني ورديته



وفيت وادري وفايه ما يصغرني
صوبت يم الهــدف لكني اخطيته



وين انت رايح ولا كنك معبرني
ماكني اللي على العالم تمنيته



لاصار هذي علومك..راح تخسرني
ماعمر احد راح من كيفه وناديته



عند الكرامه ابيعك وانت خابـــرني
الله وكيلك ترى كل شي مريته



كانه هجـر بالسلامه.روح..واهجرني
اخــوي لاصد عنـــي ماترجيته

حنين الاشواق
06-22-2010, 08:18 AM
لاصار هذي علومك..راح تخسرني
ماعمر احد راح من كيفه وناديته

عند الكرامه ابيعك وانت خابـــرني
الله وكيلك ترى كل شي مريته

كانه هجـر بالسلامه.روح..واهجرني
اخــوي لاصد عنـــي ماترجيته


الله الله الله
روعـــــــه قليل علــيها
رمز السلام

تسلم على هالقصيـده القمــه,,,
انتظر جديدك
تقبل مروري,.,,

رمز السلام
07-15-2010, 09:04 PM
أشكرج على مرورج الطيب فقد أنار صفحتي وعطرها
بكلماتج وحلو ردج ,أشكرج من كل قلبي وأزف اليكي أجمل
معاني الشكر والتقدير