المساعد الشخصي الرقمي

مشاهدة النسخة كاملة : بودعك وانسى زمانك‎


رمز السلام
05-23-2010, 08:21 PM
مابيك تستغرب إذا قلت مابيك
قلبي من اللي صار غيّر [ كلامه ]..



000
تدري وش اللي حدني يوم اناديك
بودعك واقوووول [ مع السلااااامه ] ..

000

بودعك وانسى زمانك وماضيك
وداع من ذاق الجفا و [ الملاااامه ] ..


000


لكنّ , ودي أسألك قبل اخليك
وابيك تعطي للسؤال [ اهتمامه ]..


000

في ذمتك... وشلون غيرتني فيك
وخليتني انسى غلاك و [ نظامه ] ..


000

وانا عشانك كل ماتطلب يجيك
رفعتلك هامه و [ نزلت هامه ] ..


000


ما عاد لك في داخلي حيّ يبكيك
صدري قِبَر كل الحوااااس ب [ عظامه ] ..

000
اغليك صح اشهد.. إن كنت انا اغليك
والحين راس المال منك.. [ السلامه ] ..
000
لا تقول ليه..وكيف..وشلون..وشفيك
ماضيك يعطيني لبكره [ علامه ] ..


000


ما ودي اضيّع حياتي بأياديك
دام إن من عزك [ تنزل مقامه ] ..


000


غلاك \ ماعلمك تكسر تغليك
وغلاي \ اثبتلي [ الوفا والشهامه ] ..



000


كاااافي نضيع وقتنا في بلاويك
ما يِرجِع اللي راح كثر [ الندامه ] ..


000


وإن ضاقت الدنيا بزحمة طواريك
الليل الأسود , مايطول [ ظلامه ] ..



000


والحين تعرف ليه انا قلت مابيك
و قلب ٍ يحبك ليه [ غير كلامه ] ..


000

ودعتك الله لاتجيني ولا اجيك
ولاعاد تسأل خاطري وش [ علامه ] ..


000


ولا تنصدم في بسمتي يوم احاكيك
أحيان تلقى ب [ الجريح ابتسامه


منقول من ايميلي الخاص

حنين الاشواق
05-23-2010, 08:34 PM
تأملت الخاااطره مرارا

أذرفت الدمع من عيني وأحزنت قلبي

ما أروع كلماتك رغم الآلم الذي بداخل حروفك

ما أجمل تنسيق معانيك رغم شدة المعاناه داخل القلب

أحسنت رمز السلام بهذه الخاطره المميزه

دمت لنا يامبدع ودام قلمك المميز

وتستاهل أحلى تقييم

لك كل الود والإحترام

المحارب2
05-25-2010, 05:21 PM
ما ودي اضيّع حياتي بأياديك
دام إن من عزك [ تنزل مقامه ] ..

سلمت يمينك يارمز السلام على ماقدمت لنا من أبيات راقية ومعاني من ذهب
قصيدة جميلة ورائعة جدا يارمز السلام
تقبل من أخوك فائق إحترااامه وتقديره

رمز السلام
05-25-2010, 06:16 PM
اشكركم لردودكم اللطيفة والمرور المميز المتألق والحضور الباهر . .
لكم ارق التحيا