المساعد الشخصي الرقمي

مشاهدة النسخة كاملة : تحميل خاطره دمرتني(يعني _ انتهى الحب)


رمز السلام
03-03-2010, 09:35 PM
ياللي من الصوت تعرف كل مافيني
وش ذنبي ان كانك اكثر شخص فاهمني
انا من الحزن ماجيتك تواسيني
حتى تجيني من الفرحه تكلمني
علمتني كيف ألم الحزن بيديني
واليوم كيف انثره؟ بالله علمني
*_*
أمانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
ترى ماعـاد لك قيمـه ولا للحـب أهميّـه
*_*
ما بقى بالقلب كود الذكريات
ولا بقى بالعين شي تدمعه
واهني اللي عيونه ساليات
ما شكت وجنات خده مدمعه
من دخل بحر الهوى ماله نجات
يجذبه قاع البحر ما يرفعه
ما بقى بالعمر يا كود الشتات
وما ذرته الريح محدن يجمعه
*_*
من بد خلق الله انا ليه بالذات
ما تمشي الدنيا على ما تمنيت
دمعي رجا خدي يعديه بسكات
وخدي عشان الدمع بيقول عديت
مرة النصيب يصيب ويخيب مرات
يا ليت لي صحبه مع الحظ يا ليت
*_*
صوتك يغيب ولا تغيب الموده..
باقي "غلاك" ولا تهزه مقادير..
يا صاحبٍ ماكان بالقصد صده..
غير الزمان بحكم ربي تدابير..
*_*
مهما يجيك من الخطا من رفيقك
حاول تقاضى والخطا لا يجي منك
ترى صديقك لو وقف في طريقك
مثل الرصيد ان قل وان زاد في البنك
واعرف عدوك قبل تعرف صديقك
ومن لا يحس بضيقتك مادرى عنك
*_*
جامل حضوري وابتسم كل ماجيت
وان رحت لو تدعي علي بالموت كيفك
*_*
لليوم احبك واتحدى بك الناس
وابقى حبيبك غصب عنهم وعنك
*_*
لاتصير قاسي مثل حظي والايام
تراك انت الامل اللي بهالدنيا معيشني
*_*
أكلمك والعذر حبيت أسلم
والا الصراحة ..مشتاق لك مووت
امانتك لاضقت مني تكلم
وانا اوعدك ..ماعاد اسمعك هالصوت
*_*
فمان الله يا عمري
يحفظك ربي مـن الـزلات
تحمّل بس في نفسك
ونفسي لا توصينـي
وأمانه لا نويت تـروح
فخلهـا بسكـات
تراك إنت الوحيد
اللي لا مـن راح ينهينـي
*_*
بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
*_*
الله يرحم ماضي الوقت وياك..
كان الوله زايد بقلبك عشاني..
واليوم مدري
(( ياهوى البال ))
وش جـــاكـ ؟
مات الوله في داخلك أو نساني..؟
حسبي على الي غرك اليوم وأغواك..
هذا جزا حبي وشوقي وحنـــاني..؟
*_*
دنيا غريبه والبشر مثلها أغراب
لو هي صفتلك ماصفولك بشرها..؟
تعطيك من لذاتها كل ماطاب..
تغريك ثم تغرقك في بحرها..
وأنا عطتني دنيتي أحباب وأصحاب..
اللي بنى دنيتي هو نفسه اللي دمرها..
*_*
ضاق صدري وانت ما عندك خبر
كيف ماتدري وانا روحي معاك
لو سالت العين هلت لك مطر
وان سالت الروح تشهق من غلاك
هذا رقمي لو عندك نظر
ارسل رسااالة يسعد لي مساااك
وان نويت البعد ما عندي خبر
اصلا كيف ادري وانا روحي معاك

حنين الاشواق
03-03-2010, 10:00 PM
صوتك يغيب ولا تغيب الموده..
باقي "غلاك" ولا تهزه مقادير..
يا صاحبٍ ماكان بالقصد صده..
غير الزمان بحكم ربي تدابير

صح لسانك

والله قصيده حلوة ومعبرة
دام قلمك ناازف

تقبلي مروري