44444


أنظم لمتآبعينا بتويتر ...

آو أنظم لمعجبينا في الفيس بوك ...
قديم 08-31-2012, 05:08 AM رقم المشاركة : 1

تاريخ التسجيل : Aug 2012
رقم العضوية : 4172
مجموع المشاركات : 500
مشاركتي في اليوم بمعدل: 0.17
معدل التقييم : 50
معلومات إضافية
رايق
رسالتے mms المزيد ....

мιѕѕ 7ℓα غير متواجد حالياً


أسعد الله مسائكم إخواني وأخواتي الكرام

تعليم الكمبيوتر

من فترة طويلة وانا نفسي أنزل الشرح دا لكن بصراحة لضيق الوقت أجلتة شوية ,لكن لطلب بعض الأخوة قولت أتوكل علي الله وأنزلة

هنتعرف دلوقتي مع بعض علي حاجة مهمة جداً وهي تشغيل نظام ويندوز XP علي ويندوز 7 معاً في وقت واحد حتي لو جهازك لم يكن متوافق معه ولم يتخطي إختبار الـ Hardware Virtualization الخاص بتشغيلة

المتطلبات :

1- تحميل XP Mode من موقع مايكروسوفت بشكل مجاني :

http://www.microsoft.com/windows/virtual-pc/download.aspx

2- تحميل برنامج VMware Player 3.0 وهو الذي سنستخدمة في شرحنا وهو برنامج مجاني ,ولتحميل البرنامج أضغط علي الرابط التالي :

http://www.vmware.com/products/player/

البرنامج دا هيستخدم لتشغيل نظام الأكس بي داخلة كإنك في جهاز داخل جهاز ,يعني من خلالة تقدر تشغل أكتر من نظام تشغيل في نفس الوقت بكل سهولة

ملحوظة هامة : أنت مش محتاج الشرح دا لو كان البروسيسور الموجود بجهازك يدعم تشغيل نظام XP Mode ولتحميل الأداة المجانية الخاصة بالفحص أضغط علي الرابط التالي :

http://www.grc.com/securable.htm

والأداة سهلة الإستخدام ,أهم حاجة جهاز يكون يدعم الـ Hardware Virtualization

بمعني إذا وجدت كلمة Yes أمام Hardware Virtualization فأنت جهاز يستطيع تشغيل XP Mode بدون الحاجة إلي الـ VMware ,لكن سيحتاج مشغل أخر وهو موجود أيضاً بموقع مايكروسوفت ويسمي Windows Virtual PC

أما إذا كانت الكلمة No فتابع الشرح دا لأنوا الأنسب لجهازك ..

دلوقتي عشان مطولش عليكم عشان الموضوع كبير شوية ,هنبدأ بإذن الله مع بعض كيفية التشغيل :

أول حاجة هتحمل الـ XP Mode من الرابط السابق


طبعاً هتضغط علي أيقونة البرنامج بعد التحميل وفي الصورة القادمة صورتة أثناء التصبيت وكل ما عليك هو إتباع التثبيت بـ Next والبرنامج سهل يعني


دلوقتي قم بتحميل برنامج VMware player وبعد الإنتهاء من تحميلة أضغط علي أيقونة البرنامج لتثبيتة علي الجهاز كما بالصورة القادمة

ملحوظة : كما قلت البرنامج دا مجاني لكن يتطلب التسجيل فقط


البرنامج هيطلب منك تثبيت بعض التعريفات فقم بالموافقة عشان هنستخدم التعريفات دي بعد كدا في ويندوز اكس بي ..

وإتبع التثبيت حتي تنتهي منه وسيطلب منك في النهاية القيام بإعادة تشغيل الجهاز


دلوقتي بعد معملت ريستارت للجهاز أفتح برنامج VMware Player ثم أضغط من القائمة علي File ثم أختار Import Windows XP Mode VM


دلوقتي برنامج الـ VMware Player هيبدأ في سحب الـ XP Mode لتشغيلة علي جهازك وتحويلة لصيغة الـ VMware ودا طبعاً هياخد بضعة دقائق .. فبرجاء الإنتظار ومتزهقش ..


بعد منتهي البرنامج من التحضير للإستخدام دلوقتي المفروض إنك شايف جهاز وهمي جديد !

بمعني إنك مشغل virtual machine داخل VMware Player تسمي XP Mode

قال يعني لو مكنتش فهمت قصدي في الأولي هتفهم قصدي في التانية (بهزر)

الموضوع ببساطة إن البرنامج دا بيعمل زي جهاز داخل جهازك الحقيقي ,جهاز وهمي ,وفي الجهاز الوهمي دا ممكن نسطب ويندوز جديد عادي جداً ,ونقدر نتبادل الملفات والإنترنت وكل قطع الحاسب الحقيقية بين الجهازين !!

إلي بنعملة دلوقتي إننا بنشغل نظام إكس بي في الجهاز الوهمي دا لأن الجهاز الحقيقي عليه ويندوز 7 حالياً .. أظن كدا وصلت

دلوقتي هنضغط علي Play Virtual Machine كما واضح بالصورة عشان نشغل الـ XP Mode


دلوقتي الإكس بي أشتغل والمفروض تبدأ تسطيبة عادي جداً !


ملحوظة : لو ظهرتلك رسالة قالتلك إن الـ VMware Tools بحاجة إلي تحديث قم بتحديثها كما بالصورة القادمة حتي تتفادي أي مشاكل ويعمل الجهاز التخيلي بشكل سليم


هتبدأ أدوات البرنامج في التحديث وأتركها حتي تنتهي ..


دلوقتي نرجع لتسطيب الويندوز إكس بي وهنوافق طبعاً علي إتفاقية الإستخدام عادي جداً ..


وهنظبط إعدادات اللغة بتاعت جهازنا


بعد كدا هتختار إسم الكمبيوتر (التخيلي كما قلنا سلفاً) وهتضغط نكست


بعد كدا هتختار الساعة وتظبطها حسب بلدك وتضغط نكست


بعد كدا الويندوز هيبدأ في التسطيب عادي جداً وبعد مهيخلص هيعمل ريستارت (متقلقش الجهاز التخيلي هو إلي هيعمل ريستارت)


بعد مالجهاز التخيلي عمل ريستارت وويندوز اكس بي ظهر أقدر أقولك ألف مبروك يا جميل

وتعالي نكمل شوية إعدادات متفتكرش إننا خلصنا ولا حاجة .. ومتخافش مش هنطول

أول حاجة عادي هتظبط إعدادات الأبديت بتاع الويندوز ويستحسن دلوقتي تختار عدم تحديث الويندوز (أو حسب رغبتك)


ملحوظة هامة : لو الويندوز طلب منك تعريفات أو حاجة دوس علي تجاهل أو cancel لأن الـ VMware Tools هي المفروض إلي هتتكفل بالموضوع دا كلوا بدلاً منك


طبعاً بعد مموضوع التعريفات دا يخلص وكل حاجة تتظبط ,هتقدر دلوقتي تشوف أخيراً جهازك مشغل الإكس بي من خلال الـ VMware Player


حاجة أخيرة أحب أقولها هو إن المفروض الـ VMware Tools تشتغل علي طول داخل جهازك التخيلي ,لكن لو محصلش دوس علي ستارت في ويندوز إكس بي ثم أفتح My Computer وإضغط دبل كليك علي أيقونة الإسطوانات CD drive إلي عليها VMware Tools


دلوقتي هتشتغل نافذة التثبيت وهي Tools installer والتي ستقوم بظبط الكثير من الإعدادات بدلاً منك كما إنها ستقوم بإضافة التعريفات للويندوز وعمل كل ما يلزم لجهازك التخيلي

وبعد مهتخلص قم بإعادة تشغيل جهازك التخيلي ..


دلوقتي أنت أنتهيت من كل حاجة وأنت جاهز حالياً للعمل علي الويندوز إكس بي (أو) مع ويندوز 7 ,لكن لعمل النظامين سوياً في وقت واحد إتبع الشرح الأتي ..


شرح إستخدام ويندوز إكس بي مع ويندوز 7 سوياً في نفس الوقت ..

من المميزات الجميلة إلي هتفيدنا من تشغيل النظامين مع بعض هو تشغيل برامج من كلي النظامين في نفس الوقت ,وأيضاً نقل ومشاركة البيانات بين النظامين والكثير جداً ..

يعني ممكن تشغل متصفح الإنترنت إكسبلورر 8 وإنترنت إكسبلورر 6 في نفس الوقت ,وممكن تشغل لعبة من علي ويندوز إكس بي وفي نفس الوقت مشغل ملف صوتي من علي ويندوز 7

وعشان نعمل الموضوع دا هنضغط علي زرار VM الموجود بأعلي البرنامج وهنختار Enter Unity


دلوقتي زي محنا شايفين في الصورة القادمة أنا شغال علي قائمة ستارت في ويندوز إكس بي وفي نفس الوقت شغال علي تطبيقات في ويندوز 7


وفي الصورة القادمة أنا فاتح متصفح الإنترنت إكسبلورر 6 من علي الإكس بي وفاتح الإنترنت إكسبلورر 8 من علي ويندوز 7 والإتنين شغالين في نفس الوقت ..


حاجة أخيرة خالص ,من المفترض لما تفتح حاجة من ويندوز إكس بي هتظهر أيقونة الـ VMware في حدود البرنامج


وعشان نشيل الأيقونة دي هنرجع لبرنامج الـ VMware player مرة أخري ونختار من الخيارات بالأعلي VM ثم settings

بعد كدا هنفتح تبويبة Options ونزيل علامة الصح من علي Show borders


دلوقتي هتشتغل علي ويندوز إكس بي في ويندوز 7 بحريتك وهتحس إنك دمجت الإتنين مع بعض


ملحوظة أخيرة كمان معلش

لو أنت ركبت في جهازك هارد خارجي أو فلاشة أو أي قطعة من خلال الـ USB فبرنامج الـ VMware هيسألك هل عايز تضيف القطعة دي وتستخدمها داخل نظام الإكس بي ؟

طبعاً أختار إلي أنت عايزة براحتك


وفيه طريقة تانية سهلة لو كنت عايز تشتغل علي فلاشة مثلاً من داخل الاكس بي هتضغط علي VM ثم Removable Devices وبعد كدا هتختار اسم الفلاشة او القطعة إلي ركبتها وهتضغط علي Connect


معلش أنا عارف إني طولت عليكم ,لكن عايز المعلومة تكون كاملة ..

دلوقتي أي حاجة هتحملها علي ويندوز الاكس بي داخل نظامك التخيلي هتتخزن في نظامك التخيلي فقط

بمعني لو حملت فيلم من الإنترنت من خلال جهازك التخيلي بإستخدام ويندوز اكس بي ,فالفيلم دا دلوقتي علي الجهاز التخيلي مش علي الكمبيوتر الأساسي

لكن احنا ممكن نعمل طريقة دلوقتي تخلينا نحفظ الملفات مباشرة (مثلاً) داخل الـ My Documents في ويندوز 7 مباشرة ومتقلقش هتلاقيها بردوا في الجهاز التخيلي مكان محفظتها ,لكن كدا أفضل بدل متحمل ملفات وتروح منك لو حبيت تغلي النظام التخيلي في أي وقت

دلوقتي في البرنامج بتاعنا هنضغط علي VM ثم Settings ونختار تبويبة Options وندوس علي أيقونة Shared Folders الموجودة علي اليسار

ومن اليمين أختار Always enabled وعلم علي خيار Map as a network drive in Windows guests


دلوقتي دوس علي Add عشان نختار مسار حفظ الملفات


دلوقتي بعد مهتضغط علي نكست هتدوس علي Browse عشان تختار مسار الحفظ وليكن علي سبيل المثل زي مقولنا My Documents

وهتدوس علي أوكي ثم نكست


بعد كدا مهم جداً تعلم علي خيار Enable this share وبعد كدا دوس علي Finish لأنهاء الخيارات


بعد كدا هترجع تاني إلي الـ XP Mode وتدوس علي ستارت ثم كليك يمين علي My Documents وتختار Properties


بعد كدا دوس علي Move عشان نختار الـ My Documents الجديدة بتاعتنا


دلوقتي هتدور علي المجلد إلي عملنالة شير لويندوز 7 ودا هيكون تحت درايف هيكون اسمة حاجة زي كدا Shared Folders on ‘vmware-host

دلوقتي هتختار المجلد المسمي Documents وهتدوس علي أوكي


دلوقتي هتظهرلك رسالة هتعرض عليك نسخ كل الملفات من جهازك القديم إلي جهازك الجديد

أختار Yes لو انت عايز تنقل كل الملفات إلي الويندوز 7 زي مشرحنا


دلوقتي أي ملف هتحفظة في نظام الإكس بي هيتنقل أوتوماتيك إلي My Documents الموجودة في ويندوز 7

دلوقتي الشرح إنتهي وبقا عندك نظام إكس بي كامل بدون الحاجة إلي دعم جهازك للـ hardware virtualization يعني أخيراً خلصنا

بجد الـ VMware Player برنامج عملاق ومن خلالة نستطيع القيام بالكثير

نقدر دلوقتي نسطب 10 نسخ ويندوز مختلفة من خلال البرنامج دا ومش بس كدا ,لا دا احنا كمان نقدر نحدد امكانيات كل جهاز لأن كل ويندوز بيبقا عبارة عن جهاز تخيلي لوحدة

فكدا هيبقا عندنا 10 اجهزة تخيلية علي جهاز واحد ونختار ما بينهم بسهولة ونحذفهم بسهولة

وتقدر تاخد باك أب من البرنامج في حالة لو حبيت تغير نسخة الويندوز الخاصة بجهازك الأساسي لو فيها مشكلة

تعليم الكمبيوتر




المصدر : منتديات رمز السلام - من تعليم الكمبيوتر والإنترنت- Computer & Internet


مواضيع ذات صله







رد مع اقتباس
إضافة رد

مواقع النشر (المفضلة)

الكلمات الدلالية (Tags)
,

مواضيع جديدة في قسم تعليم الكمبيوتر والإنترنت- Computer & Internet

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع: تعليم الكمبيوتر تشغيل XP Mode علي ويندوز 7
الموضوع كاتب الموضوع المنتدى مشاركات آخر مشاركة
معجم اسباب النزول والتسميه لسور القران الكريم النولي القرأن الكريم - تجويد - تفسير 28 06-24-2015 02:48 PM
طرق إبداعية في حفظ القرآن الكريم عفيفة مواضيع اسلاميه - فقة - عقيدة -Islamic topics 7 02-27-2014 03:37 PM
الولد الصالح.........مشكلات الأطفال قطوف مواضيع اسلاميه - فقة - عقيدة -Islamic topics 4 01-12-2014 02:09 PM
بطاقة تعريف الكاتبة نازك الملائكة رمز السلام مواضيع عامة - مواضيع ثقافيه - مواضيع منوعه - General topics 1 08-23-2011 07:03 AM
ملف كامل عن الصيام دلوعة المنتدى الخيمه الرمضانيه لعام 1431 هـ 3 07-22-2010 06:49 PM


الساعة الآن 08:15 AM



منتدى رمز السلام





Add to Google

Powered by vBulletin® Copyright ©2000 - 2020, Jelsoft Enterprises Ltd. 06
جميع الحقوق محفوظه لمنتديات رمز السلام
‪Google+‬‏