• ×

قائمة

مو ضد المره


زيادة حجم الخط مسح إنقاص حجم الخط
مو ضد المره حجايه بخت تنكال
اثق ببليس لكن ما اثق بيها

اليدور ستر يتعوذ النسوان
انه اول من حجاها وراح اسويها

موجوده الاصيله الما لفاها العيب
بس هيه المصيبه شلون تلكيها

تاهت بالبلد من طب الانترنيت
ومن صار الموبايل كعبه ايديها

خل نعوف اللبس اصل الشرف بالروح
الشريفه لما تنزل راس اهاليها

واليسولفلي واحد عود زلمه وحوك
قافل بابها ومحد يمر بيها

اذا رادت تخونك لو تحطها ابير
طيحت شاربك تكدر تسويها

المشه ومرفوع راسه الزود لخته يصير
الواجب كل صباح يبوس رجليها

ومن حق كل مره تكمل دراسه تريد
الدور علم عل راس اخليها

كليه العلم مو ملتقه العشاك
علم تنطينا وحنه خلاق ننطيها

تطلع من اهلها الحشمه تمله العين
وذا وصلت قسمها شكد صبغ بيها

التحب قبل الزواج نكول عدها اهداف
تحلم بالزواج واسره تبنيها

يا حوا العفو لمزوجه ليش تخون
المزوجه وتصاحب شرد اسميها

نزعت مستحاها الخاطر اللذات
والاخ يشتغل ويخلي بيديها

الفرطت بالشرف لو تلبس القران
معناها لفت شلي بمعانيها

بنت الليل عندي اشرف من بنت بيت
التدنس بيتها من يغيب راعيها

طيحتن عكل ما شالها التاريخ
وفشلتن زلم نفخر بساميها

ترا التزعل عليه وذني عدها اشكال
ما تزعل لون الكلته مو بيها

اكيد البنت اصول اندنكلها اجلال
والنترست ذنب ندعي الله يهديها
بواسطة : ahmed
 0  0  1.3K  01-19-2016
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:41 صباحًا الأحد 28 مايو 2017.